आयुक्त गणेश देशमुख यांच्या आदेशाने उपायुक्त जमीर लेंगरेकर यांचे मार्गदर्शनाखाली प्रभाग अधिकारी दशरथ भंडारी व सुरेश गांगरे यांनी पनवेल प्रभाग समिती अंतर्गत तक्का येथील २ भंगार दुकाने, पत्राशेड, भिंगारी येथील सोहम हॉटेल जवळील पत्राशेड, अनधिकृत ७ दुकानगाळे, एपीएमसी मार्केट जवळील २० शेडवजा गाळे तोडण्यात आले. उरणनाक्यावर १ शेड अशा सुमारे ४० अनधिकृत बांधकामावर निष्कासन कारवाई करण्यात आली. ही कारवाईसाठी पोलीस बंदोबस्त पनवेल शहर पोलीस स्टेशनने पुरविला. पोलीस उपनिरिक्षक पवार यांचेसह सुमारे २० पोलीस आणि महानगरपालिकेचे ४० कर्मचारी आजच्या कारवाईत सहभागी झाले.
अतिक्रमणाबाबत झिरो टॉलरन्स या धर्तीवर कोणतेही अतिक्रमण व अनधिकृत बांधकाम सहन केले जाणार नाही. शहर स्वच्छ व सुंदर ठेवण्यासाठी नागरिकांनी सहकार्य करावे ही अपेक्षा करून अतिक्रमण निष्कासन मोहीम अशीच सातत्याने करण्यात येणार आहे, अशी माहिती उपायुक्तांनी बोलताना दिली.
हेही वाचा –
सावरकरांना ‘भारतरत्न’ देण्यासाठी कोणत्याही शिफारशीची गरज नाही – केंद्र सरकार