Photo : अग्निशमन दलाच्या शर्थीच्या प्रयत्नांनंतर भाजप प्रदेश कार्यालयातील आगीवर नियंत्रण
My Mahanagar Team
दक्षिण मुंबईतील नरिमन पॉईंट येथे असलेल्या भाजप प्रदेश कार्यालयाला आग लागली.
रविवारी दुपारी 4.35 वाजताच्या सुमारास आग लागल्याची माहिती समोर येत आहे.
आगीची माहिती मिळताच घटनास्थळी अग्निशमन दलाचे जवान दाखल झाले आणि त्यांनी शर्थीच्या प्रयत्नांवर आगीवर नियंत्रण मिळवले.
शॉर्ट सर्किटमुळे भाजप प्रदेश कार्यालयाला आग लागल्याची माहिती समोर येत आहे.
भाजप कार्यालयात नुतनीकरणाचे काम सुरू होते. त्यावेळी वेल्डिंगचं काम सुरू असताना कार्यालयाच्या किचनमध्ये आग लागली.
कार्यालयात कागदपत्रे आणि लाकडी फर्निचर असल्याने आगीने अधिकच पेट घेतला आणि त्यामुळे धुराचे लोटही पसरले.
दक्षिण मुंबईतील भाजपच्या कार्यालयात सोशल मीडियाचे काम सुरू होते. लोकसभा निवडणूक 2024 च्या पार्श्वभूमीवर सोशल मीडियाचे काम सुरू होते. त्याचवेळी आग लागली.
आग लागल्यानंतर या कर्मचाऱ्यांनी हातातील काम टाकून तात्काळ बाहेर धाव घेतली.
सर्व कर्मचारी एका क्षणात ऑफिसच्या बाहेर पडले. त्यामुळे आगीत कोणीही अडकले नाही.
भाजपच्या या कार्यालयात नेहमी नेतेमंडळी आणि कार्यकर्त्ये उपस्थित असतात. मंत्री, आमदार, खासदारही याच कार्यालयात असतात. आमदार निवास आणि मंत्रालयाच्या परिसरातच हे कार्यालय असल्याने कार्यकर्त्यांना येथे येणे सोयीचं पडतं. (सर्व फोटो – दीपक साळवी)
