'मरने की दुआएँ क्यू मांगू' या 'जिद्दी' चित्रपटातील गाण्याने किशोर कुमार यांना संगीतकार खेमचंद यांनी संधी दिली. त्यानंतर त्यांनी कधीही मागे वळून पाहिले नाही. त्या काळात सर्वात महागडे गायक हा मान किशोर कुमार यांना मिळाला होता.
अशोक कुमार या आपल्या मोठ्या भावाच्या पावलावर पाऊल ठेवून अभिनेता झाल्यवरही गायक होण्याचंच स्वप्नं किशोर कुमार यांचं होतं आणि त्यांनी ते पूर्ण केलं.
किशोर कुमार यांनी संगीताचे कोणतेही धडे घेतलेले नव्हते. अर्थातच ते संगीत शिकले नव्हते. मात्र तरीही त्यांनी स्वतःची शैली निर्माण करून संगीतक्षेत्रात स्वतःचा वेगळा ठसा उमटवला.
किशोर कुमार यांनी आपल्या कारकिर्दीमध्ये दिग्गज निर्माते आणि दिग्दर्शकांबरोबर काम केले. मधुबालाबरोबर त्यांची जोडी विशेष जमली होती.
राहुल देव बर्मन आणि राजेश रोशन यांच्या पाठिंब्याने किशोर कुमार १९८० च्या दशकात आघाडीचे पार्श्वगायक बनले.
सागर चित्रपटातील गाणी गायल्यानंतर शेवटच्या दिवसात किशोर कुमार यांना निवृत्त होऊन आपल्या जन्मगावी खांडवाला जाऊन राहायचे होते. मात्र त्याआधीच १९८७ मध्ये हृदयविकाराने त्यांचे निधन झाले.
किशोर कुमार यांचं वैयक्तिक आयुष्य फारच गाजलं. त्यांनी एकूण चार लग्न केली. मात्र तरीही शेवटच्या दिवसांमध्ये किशोर कुमार एकटे पडले होते.
