Photo : लोकसभा निवडणुकीच्या पहिल्या टप्प्यात या प्रमुख नेत्यांनी केलं मतदान
My Mahanagar Team
महाराष्ट्रात आज (19 एप्रिल) पहिल्या टप्प्यातील मतदानाला सुरूवात झाली आहे. सकाळी सकाळी 7 वाजता सुरु झालेले मतदान संध्याकाळी ६ वाजेपर्यंत चालणार आहे. पहिल्या टप्प्यात विदर्भातील रामटेक, नागपूर, भंडारा-गोंदिया, गडचिरोली-चिमूर, चंद्रपूर या मतदार संघात मतदान सुरू आहे.
राज्याचे उपमुख्यमंत्री देवेंद्र फडणवीस यांनी नागपूरात मतदानाचा हक्क बजावला.
काँग्रेस प्रदेशाध्यक्ष नाना पटोल यांनी मतदानाचा हक्क बजावला.
चंद्रपूर लोकसभा मतदारसंघातील महाविकास आघाडीच्या उमेदवार प्रतिभा धानोरकर यांनी मतदानाचा हक्क बजावला.
नागपुर लोकसभा मतदारसंघातील महाविकास आघाडीचे उमेदवार विकास ठाकरे यांनी मतदानाचा हक्क बजावला. मतदानानंतर ‘देशाच्या लोकसभेसाठी मतदान करण्याचा आज दिवस. अर्थात लोकशाहीचा उत्सव. यात प्रत्येकाने सहभागी होऊन जात-पात, धर्म-पंथ, गट-तट न पाहता लोकशाहीसाठी, संविधानासाठी आणि देशातील प्रत्येक नागरिकाला न्याय मिळवून देणाऱ्या योग्य कारभाऱ्यांना निवडून द्या’, असे म्हणत ‘मी माझ्या कुटुंबासह मतदान केलंय, तुम्हीही करा’, असे आवाहन नागरिकांना केले.
भाजप प्रदेशाध्यक्ष चंद्रशेखर बावनकुळे यांनी मतदानाचा हक्क बजावला. मतदान केल्यानंतर ‘मतदान करणे हा आपला केवळ अधिकारच नाही तर, ते आपले राष्ट्रीय कर्तव्य देखील आहे. मी ते बजावले आपण देखील मतदान करा’, असे आवाहन नागरिकांना केले.
नागपुर लोकसभा मतदारसंघातील महायुतीचे उमेदवार नितीन गडकरी यांनी सहकुटुंब मतदानाचा हक्क बजावला.
राज्याचे विरोधी पक्षनेते विजय वडेट्टीवार यांनी ब्रम्हपुरी शहरातील देलनवाडी मतदान केंद्रात मतदान केले. त्यावेळी ‘मी आणि माझ्या कुटुंबातील सर्व सदस्यांनी मतदानाचा हक्क बजावला. गडचिरोली, चंद्रपूर, नागपूर, भंडारा, गोंदिया जिल्ह्यातील सर्व मतदारांना आवाहन करतो की त्यांनी सुद्धा मतदान करून लोकशाहीच्या उत्साहात आपला सहभाग नोंदवावा’, असे वक्तव्य विजय वडेट्टीवारांनी केले.
राष्ट्रवादी काँग्रेस अजित पवार गटाचे राज्यसभेचे खासदार प्रफुल्ल पटेल यांनी मतदानाचा हक्क बजावला. प्रफुल्ल पटेल यांनी सहकुटुंब मतदान केलं.
