Photo : राज्यातील महत्त्वाच्या मतदारसंघातील दिग्गज उमेदवारांनी दाखल केला अर्ज
My Mahanagar Team
देशभरात लोकसभा निवडणुकीच्या पहिल्या टप्प्यातील मतदानास सुरूवात होणार असून महाराष्ट्रातही पहिल्या टप्प्यातील मतदान पार पडणार आहे.
बारामती लोकसभा मतदारसंघात पवार कुटुंबात लढत पाहायला मिळणार आहे. त्या पार्श्वभूमीवर राष्ट्रवादी काँग्रेस शरदचंद्र पवार पक्षाच्या उमेदवार सुप्रिया सुळे यांना उमेदवारी अर्ज दाखल केला.
लोकसभा निवडणुकीच्या चौथ्या टप्प्यात पुणे लोकसभा मतदारसंघात मतदान पार पडणार आहे. त्या पार्श्वभूमीवर महाविकास आघाडीचे पुण्यातील उमेदवार रवींद्र धंगेकर यांनी आपला उमेदवारी अर्ज दाखल केला. त्यावेळी बारामती लोकसभेच्या उमेदवार सुप्रिया सुळे, काँग्रेस नेते बाळासाहेब थोरात, शिवसेना ठाकरे गटाचे आमदार सचिन अहिर, शिरूर लोकसभा मतदारसंघातील उमेदवार अमोल कोल्हे उपस्थित होते.
लोकसभेच्या शिरूर मतदारसंघातील राष्ट्रवादी काँग्रेस शरद पवार गटाचे उमेदवार अमोल कोल्हे यांनी उमेदवारी अर्ज दाखल केला. त्यावेळी काँग्रेस आमदार विश्वजीत कदम यांच्यासह मविआतील इतर नेतेमंडळी उपस्थित होते.
उपमुख्यमंत्री अजित पवार यांच्या पत्नी आणि महायुतीच्या उमेदवार सुनेत्रा पवार यांनी बारामती लोकसभा मतदारसंघातून उमेदवारी अर्ज दाखल केला. त्यावेळी भाजप नेते चंद्रकांत पाटील, निलम गोऱ्हे उपस्थित होते.
महायुतीच्या उमेदवार सुनेत्रा पवार यांच्यासह उपमुख्यमंत्री अजित पवार यांनीही उमेदवारी अर्ज दाखल केला. अजित पवार अर्ज दाखल करताना काही दिवसांपूर्वी त्यांच्याविरोधात आवाज उटवणारे विजय शिवतारेसोबत होते.
सातारा लोकसभा मतदारसंघातील भाजपचे उमेदवार उदयनराजे भोसले यांनीही उमेदवारी अर्ज दाखल केला.
