IPL 2022: “RCB जिंकेल तेव्हाच लग्न करेन”, महिला चाहतीचं पोस्टर व्हायरल

इंडियन प्रिमीयर लीगचा (आयपीएल) आजचा सामना चेन्नई आणि बंगळुरू यांच्यात होत आहे. नवी मुंबईच्या डीवाय पाटील स्टेडिअमवर आयपीएलचा 22वा सामना खेळवला जात आहे. या सामन्यात आरसीबीच्या एका महिला चाहतीनं झळकावलेला पोस्टरनं सर्वांचं लक्ष वेधून घेतलंय.

आरसीबाच्या महिला चाहतीने या पोस्टरमध्ये ‘जो पर्यंत आरसीबीचा संघ आयपीएलची ट्रॉफी जिंकत नाही, तो पर्यंत लग्न करणार नाही, असं या महिलेनं पोस्टरमध्ये लिहलं आहे. तिच्या या पोस्टरमुळे सर्वत्र तिची चर्चा रंगली आहे. सध्या चेन्नई आणि बंगळुरू यांच्यात आयपीएलचा २२ वा सामना खेळला जात आहे.

‘हार्दिकनं अर्धशतक झळकावल्यास मी नोकरी सोडेन’

काल झालेल्या आयपीएलच्या 21 व्या सामन्यात सनरायजर्स हैदराबादनं गुजरात टायटन्सला 8 विकेट्सनी मात दिली. पण या सामन्यात हार्दिक पंड्यानं अर्धशतकानंतर एक नवा किस्सा व्हायरल झाला. मैदानात आलेल्या एका प्रेक्षकानं ‘हार्दिकनं आज अर्धशतक झळकावल्यास मी नोकरी सोडेन’ असा पोस्टर तयार करुन हातात पकडला होता.

हेही वाचा – IPL 2022: दीपक चहरला पुन्हा दुखापत; चेन्नईच्या संघासमोर मोठं संकट