नवी दिल्ली: संजू सॅमसनच्या नेतृत्वाखालील राजस्थान रॉयल्स (RR) संघाने इंडियन प्रीमियर लीग (IPL) 2024 च्या हंगामात 8 वा विजय नोंदवून प्लेऑफच्या उंबरठ्यावर पोहोचले आहे. शनिवारी (२7 एप्रिल) झालेल्या सामन्यात लखनौ सुपर जायंट्सचा (LSG) 7 गडी राखून पराभव केला. (IPL 2024 Rajasthan Royals In Playoffs Sanju Samson and Dhruv Jurel s half centuries)
या विजयासह राजस्थान संघाचे आता 16 गुण झाले असून, ते अजूनही अव्वल स्थानावर आहे. प्लेऑफमध्ये प्रवेश करण्यासाठी हे गुण पुरेसे आहेत. मात्र पुढील विजय राजस्थान संघाचा प्लेऑफमधील प्रवेश निश्चित करेल. राजस्थानने आतापर्यंत 9 पैकी 8 सामने जिंकले आहेत.
संजू आणि जुरेलचे अर्धशतक, राजस्थानचा सहज विजय
दुसरीकडे, केएल राहुलच्या नेतृत्वाखालील लखनऊ संघाने आतापर्यंत 9 पैकी 5 सामने जिंकले आहेत. यासह हा संघ आता चौथ्या क्रमांकावर कायम आहे. हा सध्याचा सामना लखनौच्या एकना स्टेडियमवर खेळला गेला, ज्यामध्ये लखनौच्या संघाने नाणेफेक गमावून प्रथम फलंदाजी करताना 197 धावांचे लक्ष्य ठेवले होते.
प्रत्युत्तरात राजस्थान संघाने 19 षटकांत 3 गडी गमावून 192 धावा करत सामना जिंकला. संघाकडून कर्णधार संजू सॅमसनने 33 चेंडूत 71 धावांची नाबाद खेळी तर ध्रुव जुरेलने 34 चेंडूत 52 धावांची नाबाद खेळी खेळली. याशिवाय जोस बटलरने 34 आणि यशस्वी जैस्वालने 24 धावा केल्या. लखनौकडून यश ठाकूर, मार्कस स्टॉइनिस आणि अमित मिश्राने 1-1 बळी घेतला.
राहुल आणि दीपक यांच्यात 115 धावांची भागीदारी
नाणेफेक हारल्यानंतर प्रथम फलंदाजी करताना राजस्थान संघाने 5 गडी गमावून 196 धावा केल्या. कर्णधार केएल राहुलने 31 चेंडूत अर्धशतक केले. मात्र 48 चेंडूत 76 धावा करून तो बाद झाला. त्याच्याशिवाय दीपक हुडाने 31 चेंडूत 50 धावांची खेळी केली.
एकवेळ लखनौ संघाने 11 धावांत 2 विकेट गमावल्या होत्या. त्यानंतर राहुल आणि दीपक यांच्यात 62 चेंडूत 115 धावांची भागीदारी झाली. तर राजस्थान संघाकडून संदीप शर्माने सर्वाधिक 2 बळी घेतले. याशिवाय आवेश खान, ट्रेंट बोल्ट आणि अश्विन यांना प्रत्येकी 1 यश मिळाले.
या मोसमातील लखनौ आणि राजस्थान यांच्यातील ही दुसरी लढत होती. यापूर्वी हा सामना 24 मार्च रोजी झाला होता, ज्यामध्ये राजस्थान संघाने 20 धावांनी विजय मिळवला होता. अशाप्रकारे राजस्थानने या मोसमात दुसऱ्यांदा लखनौचा पराभव केला आहे.
राजस्थानचा वरचष्मा
लखनौचा संघ आयपीएलच्या 2022 हंगामात दाखल झाला होता. म्हणजेच हा तिसरा सीझन आहे. तेव्हापासून राजस्थान आणि लखनौमध्ये एकूण 5 सामने खेळले गेले आहेत, ज्यामध्ये राजस्थानने 4 तर लखनऊने फक्त 1 सामना जिंकला आहे.
2022 च्या मोसमात प्रवेश केल्यामुळे, लखनौचा राजस्थानशी दोनदा सामना झाला होता. त्यानंतर दोन्ही सामन्यात राजस्थानचा पराभव झाला होता. लखनौ संघाने 2023 च्या मोसमात राजस्थानविरुद्ध एकमेव सामना जिंकला होता.
लखनौ विरुद्ध राजस्थान यांच्यात सामना
एकूण सामने: 5
राजस्थान जिंकले: 4
लखनौ जिंकले: 1
राजस्थान रॉयल्सनं धावांचा पाठलाग करताना यंदाच्या हंगामात शानदार कामगिरी केली. राजस्थाननं पहिल्या दोन सामन्यात फक्त प्रथम फलंदाजी करताना विजय मिळवला. तर गुजरातनं राजस्थानविरोधात धावांचा यशस्वी पाठलाग केला. म्हणजे, राजस्थान रॉयल्सनं आतापर्यंत सहा सामन्यात धावांचा यशस्वी पाठलाग केला आहे.
Edited By- Prajakta Parab