भारताचा माजी कर्णधार मोहम्मद अझरुद्दीनचा राजस्थानमध्ये अपघात

भारताचा माजी कर्णधार मोहम्मद अझरुद्दीनच्या गाडीला बुधवारी राजस्थान येथे अपघात झाला. राजस्थानच्या सूरवाल येथे झालेल्या या अपघातात अझरुद्दीनला गंभीर दुखापत झाली नसल्याचे त्याच्या सेक्रेटरीने सांगितले आहे. एका वृत्तवाहिनीच्या माहितीनुसार, लालसोट-कोटा मेगा हायवेवरील सुरवाल पोलिस ठाण्याजवळ अझरुद्दीनची गाडी उलटली. अझरुद्दीन कुटुंबासह रणथंभोर येथे जात होता. या अपघातात अझरुद्दीनला किरकोळ दुखापत झाली असून त्याला दुसर्‍या वाहनाने हॉटेलमध्ये नेण्यात आले.