ऑस्ट्रेलिया दौऱ्यात भारतीय संघाला दुखापतींनी ग्रासले आहे. मोहम्मद शमी, उमेश यादव यांसारख्या भारताच्या खेळाडूंना दुखापतीमुळे कसोटी मालिकेत मध्यातूनच माघार घ्यावी लागली होती. आता भारताला आणखी एक झटका बसला असून अष्टपैलू रविंद्र जाडेजा उर्वरित तिसरी कसोटी आणि १५ जानेवारीपासून सुरु होणाऱ्या चौथ्या कसोटीला मुकणार आहे. सध्या भारत आणि ऑस्ट्रेलिया यांच्यात सिडनी येथे तिसरा कसोटी सामना खेळला जात आहे. या सामन्याच्या तिसऱ्या दिवशी फलंदाजी करताना जाडेजाच्या डाव्या अंगठ्याला दुखापत झाली. त्यामुळे तो उर्वरित कसोटी मालिकेत खेळू शकणार नाही. तसेच भारताचा यष्टीरक्षक रिषभ पंतच्या हाताला दुखापत झाली होती. मात्र, तो दुसऱ्या डावात फलंदाजी करण्याची शक्यता आहे.
UPDATE – Ravindra Jadeja suffered a blow to his left thumb while batting. He has been taken for scans.#AUSvIND pic.twitter.com/DOG8SBXPue
— BCCI (@BCCI) January 9, 2021