IND vs AUS : रोहित सलामीवीर म्हणून चांगली कामगिरी करेल; रहाणेला विश्वास

भारताचा सलामीवीर रोहित शर्माचे ऑस्ट्रेलियाविरुद्ध सिडनी कसोटीत भारतीय संघात पुनरागमन होणार आहे. रोहित या कसोटीत शुभमन गिलच्या साथीने भारताच्या डावाची सुरुवात करेल. कसोटी क्रिकेटमध्ये परदेशात सलामीवीर म्हणून खेळण्याची रोहितची ही पहिलीच वेळ असणार आहे. रोहित २०१९ मध्ये दक्षिण आफ्रिकेविरुद्ध पहिल्यांदा कसोटीत सलामीला खेळला होता. त्याने चार डावांमध्ये दोन शतके आणि एक द्विशतक झळकावले होते. हे सामने भारतातच झाले होते. परंतु, रोहित परदेशातही सलामीवीर म्हणून चांगली कामगिरी करेल याची भारताचा कर्णधार अजिंक्य रहाणेला खात्री आहे.