शिवछत्रपती राज्य क्रीडा पुरस्कारांमधील जीवन गौरव पुरस्कार कुस्तीमध्ये महत्त्वाचे योगदान देणार्‍या पंढरीनाथ (अण्णासाहेब) तुकाराम पठारे यांना घोषित झाला आहे. मंगळवारी राज्याचे क्रीडा व युवक कल्याण मंत्री सुनील केदार यांनी शिवछत्रपती राज्य क्रीडा पुरस्कारांची घोषणा केली. २२ फेब्रुवारीला महाराष्ट्राचे मुख्यमंत्री उद्धव ठाकरे आणि उपमुख्यमंत्री अजित पवार यांच्या अध्यक्षतेत गेट वे ऑफ इंडिया येथे होणार्‍या समारंभात या पुरस्कारांचे वितरण करण्यात येणार आहे. तसेच गुवाहाटीत झालेल्या २०२० खेलो इंडिया स्पर्धेतील पदकविजेत्या खेळाडूंचा या समारंभात सत्कार करण्यात येईल.
शिवछत्रपती राज्य क्रीडा पुरस्कार विजेत्यांमध्ये विविध क्रीडाप्रकांतील ४८ खेळाडूंचा समावेश आहे. शिवछत्रपती राज्य क्रीडा पुरस्कार दिव्यांग खेळाडूंमध्ये ५ आणि साहसी खेळाडूंमध्ये ४ पुरस्कारांचा समावेश आहे. उत्कृष्ट क्रीडा मार्गदर्शक पुरस्कार ५ जणांना घोषित करण्यात आला. शिवछत्रपती राज्य क्रीडा जीवन गौरव पुरस्कार विजेत्यांना तीन लाख रुपये रोख, सन्मानपत्र, स्मृतीचिन्ह, ब्लेझर देण्यात येईल. यंदा शिवछत्रपती राज्य क्रीडा संघटक/कार्यकर्ते या विभागाला वगळण्यात आले.
पुरस्कार विजेते :
शिवछत्रपती राज्य क्रीडा जीवन गौरव पुरस्कार – पंढरीनाथ (अण्णासाहेब) तुकाराम पठारे, पुणे
उत्कृष्ट क्रीडा मार्गदर्शक पुरस्कार –
• युवराज खटके, सांगली (अ‍ॅथलेटिक्स) • बाळासाहेब आवारे, बीड (कुस्ती) • नितीन प्रभाकर, पुणे (तायक्वांदो) • जगदीश नानजकर, पुणे (खो-खो) • अनिल पोवार, कोल्हापूर (पॅरा-अ‍ॅथलेटिक्स)
शिवछत्रपती राज्य क्रीडा पुरस्कार (खेळाडू) –
खो-खो : हर्षद हातणकर (मुंबई शहर), कविता घाणेकर (ठाणे)
कबड्डी : रिशांक देवाडिगा (मुंबई उपनगर), गिरीश इरनक (ठाणे), सोनाली शिंगटे (मुंबई शहर)
सायकलिंग : अश्विन पाटील (भंडारा), मधुरा वायकर (मुंबई शहर)
आट्यापाट्या : पवन जयस्वाल (वाशिम), प्रिया गोमासे (भंडारा)
कुस्ती : अभिजित कटके (पुणे), अंकिता गुंड (पुणे)
कयाकिंग-कनोईंग : सुलतान देशमुख (नाशिक)
व्हॉलीबॉल : प्रियांका खेडकर (पुणे)
स्केटिंग : सिद्धांत कांबळे (पुणे), साक्षी माथवड (पुणे)
वुशु : प्रियांका गौडा (मुंबई शहर)
जलतरण : हर्षल वखारिया (पुणे), अवंतिका चव्हाण (मुंबई उपनगर)
डायव्हिंग : सिद्धार्थ परदेशी (नाशिक)
वॉटरपोलो : मानसी गावडे (रायगड)
तिरंदाजी : सुकमनी बाबरेकर (अमरावती)
अ‍ॅथलेटिक्स : किसन तडवी (नाशिक), अर्चना आढाव (पुणे)
बास्केटबॉल : श्रुती अरविंद (पुणे)
सॉफ्टबॉल : पियुष आंबुलकर (नागपूर), ईश्वरी गोतमारे (अमरावती)
जिम्नॅस्टिक्स : गौरव जोगदंड (औरंगाबाद), आदिती दांडेकर (मुंबई शहर), श्रावणी राऊत (ठाणे)(आर्टिस्टिक)
नेमबाजी : वेदांगी तुळजापूरकर (मुंबई शहर)
तलवारबाजी : तुषार आहेर (औरंगाबाद), दामिनी रंभाड (नागपूर)
बॉक्सिंग : अनंता चोपडे (अकोला)
रोईंग : सुर्यभान घोलप (नाशिक), जागृती शहारे (नाशिक)
तायक्वांदो : नीरज चौधरी (धुळे), रुचिका भावे (पुणे)
बॅडमिंटन : विघ्नेश देवळेकर (ठाणे), संयोगिता घोरपडे (पुणे)
मल्लखांब : गणेश शिंदे (मुंबई उपनगर), हिमानी परब (मुंबई शहर)
शरीरसौष्ठव : योगेश मेहर (पालघर), करुणा वाघमारे (मुंबई उपनगर)
हॉकी : आकाश चिकटे (यवतमाळ)
यॉचिंग : श्वेता शेरवेगार
बेसबॉल : गिरीजा बोडेकर (कोल्हापूर)
पॉवरलिफ्टिंग : निलेश गराटे (मुंबई उपनगर), सोनाली गिते (मुंबई शहर)
शिवछत्रपती राज्य क्रीडा पुरस्कार (दिव्यांग खेळाडू)
•स्वप्निल पाटील, कोल्हापूर (जलतरण), • पार्थ हेंद्रे, मुंबई (जलतरण), • सायली पोहरे, नाशिक (जलतरण), •जयदीपकुमार सिंह, मुंबई (ज्युडो), • वैष्णवी सुतार, कोल्हापूर (टेबल टेनिस)
शिवछत्रपती राज्य क्रीडा पुरस्कार (साहसी)
•प्रभात कोळी, मुंबई (खाडी पोहणे), •शुभम वनमाळी, ठाणे (खाडी पोहणे), •अपर्णा प्रभुदेसाई, पुणे (गिर्यारोहण), •सागर बडवे, औरंगाबाद.