युएफा युरो २०२० स्पर्धेच्या अंतिम सामन्यात इटलीने इंग्लंडला पराभूत केले. इंग्लंडमधील वेम्बली स्टेडियममध्ये झालेला हा सामना ९० मिनिटे आणि ३० अतिरिक्त मिनिटांच्या खेळानंतर १-१ असा बरोबरीत होता. त्यानंतर झालेल्या पेनल्टी शूट-आऊटमध्ये इंग्लंडच्या मार्कस रॅशफोर्ड, जेडन सँचो आणि बुकायो साका या खेळाडूंना चेंडू गोलजाळ्यात मारता आला नाही. त्यामुळे इंग्लंडने हा सामना गमावला. इंग्लंडच्या चाहत्यांनी स्टेडियममध्ये आणि विशेषतः सोशल मीडियावरून या तिन्ही कृष्णवर्णीय खेळाडूंवर वर्णभेदी टीका केली. ही गोष्ट इंग्लंडचा माजी क्रिकेटपटू केविन पीटरसनला अजिबातच आवडली नाही आणि त्याने चाहत्यांना सुनावले.
शिवीगाळ कशासाठी?
The walk I took with Dylan to get our car home last night was scary absolutely HORRENDOUS!
This behaviour in 2021?? 🤬
The abuse of the players who gave us so much joy?? 🤬Do we actually deserve the 2030 World Cup? 🤔
— Kevin Pietersen🦏 (@KP24) July 12, 2021
पंतप्रधान जॉन्सन यांचे आवाहन
त्याआधी युकेचे पंतप्रधान बोरिस जॉन्सन यांनीही खेळाडूंवर वर्णभेदी टीका न करता त्यांचे कौतुक करण्याचे आवाहन इंग्लिश चाहत्यांना केले होते. तसेच जे या शिवीगाळासाठी जबाबदार आहेत, त्यांना स्वतःची लाज वाटली पाहिजे, असे खडे बोलही जॉन्सन यांनी सुनावले होते. इंग्लंडच्या किंवा इंग्लंडमध्ये क्लब फुटबॉल खेळणाऱ्या फुटबॉलपटूंवर सातत्याने वर्णभेदी टीका होत असल्याचे पाहायला मिळते. परंतु, हे थांबण्यासाठी अजूनही कठोर पावले उचलण्यात येत नाहीत.