भारतीय संघाचा कर्णधार विराट कोहली आणि बॉलिवूडची अभिनेत्री अनुष्का शर्मा यांना दोन दिवसांपूर्वीच कन्यारत्न प्राप्त झाले आहे. त्यांच्या घरात एका गोंडस चिमुकलीचे आगमन झाले आहे. विराटने स्वतःहा ही आनंदाची बातमी चाहत्यासोबत शेअर केली होती. तर त्याच्या भावाने म्हणजेच विकास कोहलीने त्यांच्या पुतणीचा फोटो शेअर केला आहे. पण, आता या दोघांनी महत्त्वाचा निर्णय घेतला आहे. बाळाला भेटण्यासाठी त्यांनी जवळच्या नातेवाईकांनाही परवानगी दिलेली नाही. तसेच अनुष्का आणि बाळाची प्रकृती चांगली असून सध्या त्यांच्या खासगी आयुष्याचा आदर केला जावा त्यांना प्रायव्हसी दिली जावी, अशी विनंती विराटने सोशल मीडियाद्वारे चाहत्यांना केली आहे.
दुसऱ्या मार्गाने घरी पाठवण्याचा विचार
रुग्णालयाबाहेर असलेली गर्दी पाहून अनुष्का आणि मुलीला दुसऱ्या मार्गाने घरी पाठवण्याचा विचार केला जात असल्याचेही म्हटले जात आहे.
हेही वाचा – विरुष्काच्या ‘बेबीगर्ल’चा नवा फोटो व्हायरल