सोशल मीडियावर अनेकदा काहीतरी नवीन पाहायला मिळतं. युरोपातील एका व्यक्तीने सोशल मीडियावर एक सीसीटीव्ही फुटेज शेअर केलं आहे. हा व्हिडिओ पाहण्यासाठी अनेकजणं उत्सुक झाले आहेत. या व्हिडिओत एक व्यक्ती फुटपाथवरुन दुसऱ्या बाजूस जाताना दिसत आहे. ही व्यक्ती नेमकी कोण आहे? असे प्रश्न निर्माण होत आहेत. हा हॅरी पॉटरमधला डॉबी असू शकतो, असा काहीजणांनी दावा केला आहे. महत्वाचे म्हणजे हॅरी पॉटर ही हॉलिवूडमधली काल्पनिक फिल्म सीरीज आहे. या सीरीजच्या सर्वच पार्टला चाहत्यांनी पसंती दिली आहे.
विवियन गोमेझ असे त्या व्यक्तीचे नाव आहे. ती एक महिला आहे. तिने घरा शेजारचे एक सीसीटीव्ही फूटेज सोशल मीडियावर शेअर केला. त्यानंतर हा व्हिडिओ पाहून अनेकांनी यावर प्रश्न चिन्ह निर्माण केले आहे. लाखो लोकांनी या व्हिडिओवर आपली प्रतिक्रिया नोंदवली आहे. त्यापैकी काही जणांनी या फूटेजमधील व्यक्ती हा हॅरी पॉटरमधला डॉबी असल्याचं सांगितलं आहे. कारण, हॅरी पॉटर चित्रपटातला डॉबीदेखील असाच दिसत होता. एवढेच नव्हे तर, हा हुबेहूब डॉबीसारखा चालत देखील होता.
आतापर्यंत या व्हिडिओला ४२ हजार लाईक्स आले आहेत. तसेच १ लाख ३९ हजार लोकांनी हा व्हिडिओ शेअर केला आहे. केवळ फेसबुकच नाही तर, ट्विटरवरही या व्हिडिओने धुमाकूळ घातला आहे.