मुंबईत तुफान पाऊस, जनजीवन विस्कळीत

मुंबईत मुसळधार पाऊस पडत असल्याने जनजीवन विस्कळीत झालं आहे. मुंबई शहरासह पूर्व आणि पश्चिम उपनगरात जोरदार पाऊस सुरु आहे. सतत सुरु असलेल्या पावसामुळे मुंबईत अनेक ठिकाणी पाणी साचलं असून रस्ते तसंच रेल्वे वाहतुकीवरही परिणाम झाला आहे. हवामान खात्याने पुढील काही तासात मुसळधार पावसाची शक्यता वर्तवली आहे. दरम्यान मुंबई पोलिसांनी नागरिकांना घराबाहेर न पडण्याचं आवाहन केलं आहे. मुंबईसह ठाणे, पालघर, रायगडसह कोकणातील अनेक ठिकाणी पावसाने अक्षरश: झोडपून काढलं आहे.