ठाण्यात मृत्यूस कारणीभूत ठरलेल्या चोरट्यांना अटक

ठाण्यात मोबाईल चोरट्यासोबत झालेल्या झटापटीत एका महिलेचा मृत्यू झाला होता. त्यासाठी कारणीभूत ठरलेल्या दोघा दुचाकीस्वारांना नौपाडा पोलिसांनी २४ तासात अटक केली आहे. अल्केश उर्फ परवेझ अन्सारी (२०) व सोहेल अन्सारी (१८) अशी आरोपींची नावे असुन दोघेही भिवंडीतील राहणारे आहेत. दोघेही सराईत मोबाईल चोरटे असुन त्यांच्याविरोधात कोनगाव व नारपोली पोलीस ठाण्यात गुन्हे दाखल आहेत. आरोपींकडुन मृतक तरुणीच्या मोबाईलसह तिन मोबाईल, दुचाकी हस्तगत केली. तर,ठाणे सत्र न्यायालयाने दोघांनाही ५ दिवसांची पोलीस कोठडी सुनावली आहे.