हिंदू धर्मात जन्मलेल्या बाळाच्या कुंडलीवरुन त्याचे नाव निश्चित केले जाते. व्यक्तीच्या नावाचा प्रभाव त्याच्या स्वभाव आणि करिअरवर देखील होतो. ज्योतिष शास्त्रानुसार, तुम्ही व्यक्तीच्या नावाच्या पहिल्या अक्षरावरुन एखाद्याबद्दल सहज जाणून घेऊ शकता. आज आम्ही तुम्हाला ‘ह’ किंवा ‘H’ नावावरुन नाव असणाऱ्या व्यक्तीबद्दल सांगणार आहोत.
ज्या व्यक्तींच्या नावाची सुरुवात ‘ह’ किंवा ‘H’ या अक्षरावरुन होते. ते खूप बुद्धीमान असतात. शिवाय हे खूप भावूक आणि संवेदनशील देखील असतात. हे आपल्या मनातील अनेक गोष्टी इतरांसमोर शेअर करत नाहीत. त्यामुळे यांना समजून घेणं फारसं कठीण समजलं जातं. हे कोणताही निर्णय घेण्यास सक्षम असतात. हे इतरांवर अवलंबून राहत नाहीत.
या नावाच्या व्यक्ती प्रेमाच्या बाबतीत खूप कमी व्यक्त होतात. हे आपल्या प्रेमीसमोर मोकळे पणाने व्यक्त होत नाहीत. हे खूप गंभीर, भावूक आणि विश्वासू असतात. कधी-कधी हे आपल्या जोडीदारासोबत रोमाँटिक होतात. यांचे वैवाहिक जीवन सुखी असते. हे आपल्या कुटुंबियांची खूप छान काळजी घेतात. यांना राग देखील पटकन येतो.
