हिंदू धर्मात श्रावण महिन्याला अत्यंत पवित्र मानले जाते. या महिन्यात अनेकजण भगवान शंकरांची पूजा-आराधना करतात. त्यांचे ग्रंथ, मंत्रांचा जप करतात. तसेच काही गोष्टींचे दान करतात. या व्यतिरिक्त श्रावणात झाडं लावणं देखील शुभ मानलं जातं. वास्तू शास्त्रामध्ये काही झाडांचे वर्णन केले आहे जे महादेवांना अत्यंत प्रिय आहेत. श्रावणात ही झाडं लावल्याने व्यक्तीच्या आयुष्यात सुख-समृद्धी येते.
श्रावणात लावा ‘ही’ झाडं
बेलाचे झाड
महादेवांना बेलपत्र खूप प्रिय आहे. त्यामुळे श्रावणात हे झाड लावल्याने व्यक्तीच्या कुळाचा उद्धार होतो. या झाडाखाली संध्याकाळी दीवा लावणं देखील शुभ मानलं जातं.
तुळशीचे रोप
तुळशीचे रोप हिंदू धर्मात अत्यंत पवित्र आणि पूजनीय मानले जाते. यामुळे घरात सुख-समृद्धी येते. त्यामुळे श्रावणात तुळशीचे रोप घरात आवर्जून लावावे.
केळीचे झाड
श्रावणात केळीचे झाड लावणे देखील शुभ मानले जाते. सध्या अधिक श्रावण महिना देखील सुरु आहे. त्यामुळे या महिन्यात केळीचे झाड लावल्याने महादेवांसोबतच श्री विष्णूंचा देखील आर्शीवाद प्राप्त होतो.
रुईचे झाड
महादेवांना रुईचे झाड देखील अत्यंत प्रिय आहे. असं म्हणतात की, या वनस्पतीमध्ये महादेवाचा वास असतो. हे झाड लावल्याने व्यक्तीला महादेवांचा आर्शीवाद प्राप्त होतो.
शमीचे झाड
शास्त्रानुसार, शमीचे झाड महादेवांना खूप प्रिय आहे. असे म्हटले जाते की, शमीचे झाड श्रावण महिन्यात लावल्यास घरात सुख-समृद्धी नांदते. यासोबतच भगवान शंकराची कृपा प्राप्त होते. हे झाडं घराच्या उत्तर आणि पूर्व दिशेला लावणं शुभ मानलं जातं.
