वृद्धापकाळात मुलं साथ देत नाहीत. त्यामुळे अनेक ज्येष्ठांना आपलं उर्वरित आयुष्य वृद्धाश्रमात काढावं लागतं. मात्र, त्यांच्या संपत्तीवर त्यांच्या मुलांचा डोळा असतो. अशाच स्वार्थी मुलांना एका बापाने चांगलाच इंगा दाखवला आहे. वृद्धापकाळात सेवा न केल्याने एका ८५ वर्षी व्यक्तीने त्यांची कोट्यवधींची संपत्ती मुलांना न देता सरकारला दान केली आहे. एवढंच नव्हे तर सरकारने या जागेवर शाळा किंवा रुग्णालय बांधावं अशी विनंतीही केली आहे. उत्तर प्रदेशातील मुझफ्परनगर जिल्ह्यातील खतौली हे हा प्रकार घडला आहे.
85 वर्षीय नाथू सिंह यांच्या मुलांनी त्यांची काळजी घेतली नाही. त्यामुळे नाथू सिंह यांना आश्रमात राहावे लागले. अनेक महिने ते आश्रमात राहत होते. दुसरीकडे, मुलांवर रागावलेल्या नाथू सिंहने आता त्यांना आपल्या मालमत्तेतून बेदखल केले आहे. यासोबतच ही संपत्ती उत्तर प्रदेश सरकारच्या नावावर करण्यात आली आहे. नाथू सिंह यांच्या मालमत्तेची किंमत सुमारे दीड कोटी रुपये आहे. मृत्यूपत्रात त्यांनी लिहिले आहे की, त्यांच्या जमिनीवर सरकारने शाळा किंवा रुग्णालय बांधावे. इतकंच नाही तर नाथू सिंह यांनी मुलांकडून अंत्यसंस्काराचा अधिकारही काढून घेतला असून मृत्यूनंतर त्यांचा मृतदेह मेडिकल कॉलेजला दान करण्याची इच्छा व्यक्त केली आहे.
पाचही मुलांनी सोडलं वाऱ्यावर
बुलढाणा, मुझफ्फरनगर येथील रहिवासी नथू सिंग यांच्या कुटुंबात ४ मुली आणि एक मुलगा आहे. मुलींची लग्ने झाली आहेत. तर मुलगा लग्नानंतर सहारनपूरमध्ये कुटुंबासोबत राहतो. येथे तो सरकारी शिक्षक म्हणून काम करतो. नाथू सिंग यांच्या पत्नीच्या मृत्यूनंतर मुलांनी त्यांना एकटे सोडले. अशा परिस्थितीत नाथू सिंह वर्ध्यातील एका आश्रमात राहू लागले. गेल्या सात-आठ महिन्यांपासून ते आश्रमात राहत आहेत. यादरम्यान त्यांच्या कुटुंबातील कोणीही त्यांना भेटायला आला नाही.
खतौली वर्धा आश्रमाच्या संचालिका रेखा सिंह यांनी सांगितले की, नाथू सिंह जी अनेक महिन्यांपासून वर्धा आश्रमात राहत आहेत. कुटुंबातील कोणीही सदस्य त्यांना एकदाही भेटायला आला नाही. मुलांच्या त्रासाला कंटाळून नथू सिंह यांनी शनिवारी तहसील गाठले आणृ आपली सर्व मालमत्ता उत्तर प्रदेश सरकारला सुपूर्द केली. नाथू सिंह यांच्या मालमत्तेत एक घर आणि सुमारे 10 एकर शेतजमीन आहे.