बिहारमधील कोरोनाच्या वाढत्या प्रादुर्भावच्या पार्श्वभूमीवर मुख्यमंत्री नितीश कुमार यांनी एक मोठी घोषणा केली आहे. आज (रविवार) आदेश जारी करून पत्रकारांना फ्रंटलाईन वर्कर श्रेणीत सामील केले आहे. जन संपर्क विभागाच्या माध्यमातून मान्यता प्राप्त पत्रकारांना कोरोना लस देणार असल्याचे आदेशात सांगण्यात आले आहे.
यात प्रिंट, इलेक्ट्रॉनिक आणि वेबमीडियाच्या पत्रकारांना सामील करण्याचा निर्णय घेतला आहे. प्राधान्याच्या आधारे सर्व पत्रकारांची ओळख पटवून लस दिली जाणार आहे. मुख्यमंत्री नितीश कुमार यांनी सांगितले की, कोरोनाच्या काळात पत्रकार आपली भूमिका चांगल्या प्रकारे निभावत आहेत. ते कोरोना संदर्भात लोकांना जागरूक देखील करत आहेत.
राज्य में पत्रकारों को प्राथमिकता के आधार पर कोरोना का टीका लगाया जायेगा। कोरोना संक्रमण के दौर में पत्रकार अपनी भूमिका का बेहतर निवर्हन कर रहे हैं। वे कोरोना संक्रमण के खतरों के प्रति लोगों को जागरूक कर रहे हैं।
— Nitish Kumar (@NitishKumar) May 2, 2021
दरम्यान बिहारमध्ये आज १३ हजार ५३४ नवे कोरोनाबाधित रुग्ण आढळले असून ९७ जणांच्या मृत्यूची नोंद झाली. तर ११ हजार ६९४ रुग्ण बरे होऊन घरी गेले आहेत. बिहारमधील एकूण कोरोनाबाधितांची संख्या ४ लाख ९७ हजार ६४०वर पोहोचली आहे. यापैकी आतापर्यंत २ हजार ७३९ जणांचा मृत्यू झाला असून ३ लाख ८४ हजार ९५५ रुग्ण कोरोनामुक्त झाले आहेत. तसेच सध्या १ लाख ९ हजार ९४५ रुग्णांवर उपचार सुरू आहेत.
हेही वाचा – coronavirus : भारताला तीन हजार ऑक्सिजन कॉन्सन्ट्रेटर्स देण्यासाठी युनिसेफचा पुढाकार