कर्नाटक राज्यातील मंड्या जिल्ह्यामध्ये ‘मैत्री’च्या नात्याला काळीमा फासणारी एक घटना घडली आहे. शनिवारी मांड्या जिल्ह्यात राहणाऱ्या एका २८ वर्षीय तरुणाने त्याच्याच जिवलग मित्राचं मुंडकं कापलं. त्यानंतर मित्राचं मुंडक तसंच हातात घेऊन तो पोलीस स्ठानकामध्ये गेला आणि गुन्हा मान्य करत स्वत:ला पोलिसांच्य स्वाधीन केले. आरोपीने अशाप्रकारे केलेलं आत्मसमर्पण पाहून पोलीसही काही काळासाठी थक्क झाले. उपलब्ध माहितीनुसार, पशुपती असं या २८ वर्षीय आरोपीचं नाव आहे. पशुपतीने पोलिसांना दिलेल्या कबुलीनुसार, आपल्या आईबद्दल आक्षेपार्ह आणि अपमानास्पद उद्गार काढल्यामुळे त्याने मित्राची हत्या करुन त्याचे डोके धडापासून वेगळे केले. पशुपती आणि त्याचा जवळचा मित्र गिरीश हे दोघेही मंड्यातील चिक्काबगीलू या गावात राहात होते. दरम्यान पशुपतीच्या विकृत आणि विक्षिप्त कृत्यामुळे त्या परिसरातील स्थानिक लोक हैराण झाल्याची माहिती मिळते आहे.