आनंद महिंद्रांकडून 100 वर्षीय मेजरचा व्हिडीओ शेअर; म्हणाले, ‘पाहून अंगावर काटा आला’

आनंद महिंद्रांकडून 100 वर्षीय मेजरचा व्हिडीओ शेअर; म्हणाले, ‘पाहून अंगावर काटा आला’

भारतातील प्रसिद्ध उद्योगपती आनंद महिंद्रा हे नेहमीच ट्विटरवर सक्रिय असतात. प्रत्येक वेळी ते काहीतरी ट्विट करत असतात ज्याची बातमी बनते. शिवाय लोकही महिंद्रांची पोस्ट अनेकदा शेअर करतात. आनंद महिंद्रा नेहमी काहीतरी वेगळे आणि उत्साहवर्धक पोस्ट किंवा व्हिडिओ शेअर करत असतात. अशाच प्रकारचा नवा व्हिडीओ पुन्हा एकदा आनंद महिंद्रा यांनी सोशल मीडियावर शेअर केला आहे. यामध्ये माजी राष्ट्रीय संरक्षण अकादमीचे ड्रिल प्रशिक्षक सब मेजर स्वामींना त्यांच्या 100 व्या वाढदिवसानिमित्त सन्मानित करण्यात आले. विशेष म्हणजे व्हीलचेअरवरून उठून सब मेजर स्वामींनी हा सन्मान स्विकारला. (national anand mahindra shared video of 100 year old sub major swami saluting indian army personnels)

आनंद महिंद्रा यांनी माजी राष्ट्रीय संरक्षण अकादमीचे ड्रिल प्रशिक्षक सब मेजर स्वामींना त्यांच्या 100 व्या वाढदिवसानिमित्त सन्मानित करताना व्हिडीओ ट्विटरवर शेअर केला आहे. हा व्हिडीओ शेअर करताना त्यांनी प्रेरणास्थान म्हणून वर्णन केले आहे. तसेच, “सब मेजर स्वामी, राष्ट्रीय संरक्षण अकादमीचे माजी ड्रिल इन्स्ट्रक्टर यांचा 100 व्या वाढदिवसानिमित्त सत्कार केला जात आहे. त्यांनी 7 भारतीय लष्करी सेनापतींना “सैन्य” तसेच आपल्या गुरूंचा आदर करण्याची भारतीय परंपरा सांगितली. जेव्हा त्यांनी सॅल्युट केला, तेव्हा माझ्या अंगावर काटा आला”, असे त्यांनी लिहीले.


हेही वाचा – माजी गृहमंत्री अनिल देशमुखांच्या जामीन अर्जावर आज निकाल?

First Published on: October 4, 2022 10:06 AM
Exit mobile version