काँग्रेस प्रवक्त्या प्रियंका चतुर्वेदी यांना सोशल मीडियावरुन धमकी देणाऱ्या व्यक्तीला मुंबई पोलिसांनी अटक केली आहे. गुजरातच्या अहमदाबाद येथे आरोपीला बेड्या ठोकण्यात आल्या. गिरीश महेश्र्वरी असे या आरोपीचे नाव आहे. आरोपीने ट्विटरवरुन प्रियंका चतुर्वेदी यांच्या मुलीवर बलात्कार करण्याची धमकी दिली होती.
Yes I plan to file an FIR. Also for kind attention of @MumbaiPolice , this fake quote with my pic is being shared on varioua FB pages with call for violence directed at me, I would request you to treat this as urgent. https://t.co/112Ctsa3Z4
— Priyanka Chaturvedi (@priyankac19) July 1, 2018
प्रियंका चतुर्वेदी यांना २ जुलैला गिरीश महेश्र्वरी याने ट्विट केले होते. या ट्विटमध्ये त्याने प्रियंका यांच्या १० वर्षाच्या मुलीवर बलात्कार करण्याची धमकी दिली होती. याप्रकरणी प्रियंका चतुर्वेदी यांनी गोरेगाव पोलीस ठाण्यात तक्रार दाखल केली होती. याप्रकरणी गृहमंत्रालयाने आरोपीला लवकरात लवकर पकडण्याचे आदेश मुंबई पोलिसांना दिले होते. पोलिसांनी तपासामध्ये वेग आणत आरोपी गिरीशला अहमदाबाद येथून अटक केली. आरोपीविरोधात मानसिक छळ करणे, धमकी देणे, सोशल मीडियाचा गैरवापर करणे असे गुन्हे दाखल करण्यात आले आहेत.
भगवान राम के नाम से ट्विटर हैंडल चलाकर, पहले तो मेरा गलत बयान लगाते हो, फिर मेरी बेटी के बारे में अभद्र टिप्पणी करते हो। कुछ शर्म हो तो चुल्लू भर पानी में डूब मरो वरना भगवान राम ही इसका सबक सिखाएंगे तुम जैसे नीच सोच वाले इंसान को।
cc @MumbaiPolice please take action. https://t.co/Ujs7wLia9v— Priyanka Chaturvedi (@priyankac19) July 1, 2018
प्रियंका चतुर्वेदी यांनी ट्वीट करुन सांगितले आहे की, “भगवान रामच्या नावाने ट्विटर हॅडल चालवून पहिले तर माझे चूकीचे विधान लावतो, त्यानंतर माझ्या मुलीबद्दल अभद्र ट्विट करतो. थोडी लाज असेल तर ओंजळभर पाण्यामध्ये जीव दे नाही तर, भगवान राम तुझ्या सारख्या खालच्या विचाराच्या लोकांना धडा शिकवेल.” प्रियंका चतुर्वेदी यांनी हे ट्विट करताना मुंबई पोलिसांना देखील टॅग केले होते.