शेअर बाजारात गुरुवारी मोठी घसरण पाहायला मिळाली. सेन्सेक्स (Sensex) १११४.८२ अंकांनी कोसळून ३६,५५३.६० वर बंद झाला. तर निफ्टी ३२६.३० अंकांनी घसरुन १०,८०५.५५ वर बंद झाला. कोरोनाची दुसरी लाट आणि युरोपमध्ये वाढत्या घटनांच्या पार्श्वभूमीवर पुन्हा लॉकडाऊन होण्याची शक्यता यामुळे बाजारात मोठी घसरण झाल्याचं बोललं जात आहे. हिंदुस्तान युनिलिव्हर वगळता इतर सर्व शेअर्सचा सेन्सेक्स कोसळला. सेन्सेक्सवर इंडसइंड बँकेचे शेअर्स ७.१० टक्क्यांनी घसरले. त्याचप्रमाणे बजाज फायनान्सच्या शेअर्समध्येही ६.६३ टक्क्यांनी घसरण झाली. महिंद्रा आणि महिंद्राच्या शेअर्समध्ये ६.३७ टक्क्यांनी घट झाली.
Sensex plunges 1,114.82 pts to close at 36,553.60; Nifty tanks 326.30 pts to 10,805.55
— Press Trust of India (@PTI_News) September 24, 2020