अनेकांच्या घरात कुत्रा, माजराचे पिल्लू असे प्राणी पाळलेले दिसतात. परदेशात देखील अनेकांना वेगवेगळे प्राणी पाळण्याची आवड असल्याचे आपण अनेकदा पाहिले आहे. सध्या एका तरुणाच्या घरी असलेल्या प्राण्याचे फोटो सोशल मीडियावर व्हायरल होत आहे. या तरूणाने कुत्र्याचं पिल्लू समजून त्याच्या घरी तो ते पिल्लू घेऊन आला मात्र ते पिल्लू कुत्र्याचं नसून कोल्ह्याचं पिल्लू असल्याचे समोर आले आहे.
ट्विटरवर लिहिलेल्या पोस्टमुळे जपानमधील एक व्यक्ती सध्या चर्चेत आहे. या व्यक्तीने अलीकडेच आपल्या ट्विटर हँडलवरून एका छोट्या प्राण्याचा काही फोटो शेअर केले आहेत आणि कॅप्शनमध्ये लिहिले आहे, मला हा पिल्लू रस्त्यावर बसलेला दिसला, मी त्याला माझ्या घरी आणले आहे.” तसेच मी त्याचे नाव ‘लुना’ ठेवले आहे. परंतु मला हे पिल्लू त्याच्या मालकाकडे पोहोचवायचे आहे, म्हणून मी त्याचे काही फोटो तुमच्याबरोबर शेअर केले आहे.
【拡散希望】
本日14:30頃、月形町の国道275号の路側帯にいた子犬を保護しました。
セブンイレブンを札幌方向に向かって少し進んだあたりです。(信号手前)病院に連れていったところ
・生後１～２ヶ月
・女の子
とのこと心当たりのある飼い主の方がいらっしゃいましたら連絡お願いします#保護犬 pic.twitter.com/vp1mkakIO3
— MARCY (@marcy_com) May 1, 2020
ही घटना जपानच्या त्सुकिगाटा शहरात घडली आहे. एका युझर्सने या पोस्टवर प्रतिक्रिया दिली आहे. हे कुत्र्याचं नाही तर कोल्ह्याचे पिल्लू आहे असेही युझर्सचे म्हणणे आहे. तर एका युझरने चक्क रॅकूनचे पिल्लू असल्याचा दावा केला असून हा प्राणी कुत्र्यासारखा भुंकत नाही तर वेगवेगळे आवाज काढतो आहे. त्यामुळे हा कुत्रा नाही असेही एका युझरने या पोस्टवर प्रतिक्रिया दिली आहे.
Yahoo Newsने दिलेल्या माहितीनुसार, या तरुणाला अशा प्रतिक्रिया मिळाल्यानंतर तो या कोल्ह्याच्या पिल्लूला घेऊन प्राण्यांच्या डॉक्टरकडे गेला. तिथे त्याला कळले की हे कुत्र्याचं पिल्लू नसून कोल्ह्याचं पिल्लू आहे. त्यानंतर या तरुणाने हे पिल्लू फॉक्स सेंच्यूरी संस्थेकडे सोपवले असल्याचे सांगण्यात येत आहे.