२८ मे रोजी स्वातंत्र्यवीर सावरकरांची जयंती साजरी केली जाते. याचं दिवसाचे अवचित्य साधत महेश मांजरेकर दिग्दर्शित ‘स्वातंत्र्यवीर सावरकर’ यांच्या जीवनावर आधारित चित्रपटाची घोषणा करण्यात आली. सोशल मीडियावर या चित्रपटाचे पहिले पोस्टर देखील प्रदर्शित करण्यात आले आहे, चित्रपटाची घोषणा करत महेश मांजरेकरांनी त्यांच्या सोशल मीडिया अकाउंटवर चित्रपटाचे पोस्टर शेअर केले असून, या चित्रपटात सावरकरांची भूमिका साकरणारा अभिनेता रणदीर हुड्डा साकारणार असल्याची माहिती दिली आहे.
अभिनेता रणवीर हुड्डाने देखील चित्रपटाचे पोस्टर सोशल मीडयावर शेअर करत खाली कॅप्शनमध्ये लिहिले की,”मला आशा आहे की एका खर्या क्रांतिकारकाची भूमिका करण्याचे आव्हान मी पेलू शकेन आणि त्यांची खरी कहाणी सांगू शकेन जी दीर्घकाळासाठी दडवून ठेवली गेली होती.” मात्र रणदीप हुड्डाच्या पहिल्या लुकचे सोशल मीडियावर जेवढे कौतुक होत आहे, तेवढेच ही भूमिका स्विकारल्याने त्याच्यावर टीका देखील केली जात आहे. सोशल मीडियावर रणदीपला ट्रोलिंगचा सामना करावा लागत आहे.
संदीप सिंह आणि अमित वाधवानी यांनी ‘स्वातंत्र्यावीर सावरकर’ चित्रपटाची निर्मिती केली आहे. आनंद पंडित मोशन पिक्चर्स आणि लिजेंड स्टुडिओज द्वारे ‘स्वातंत्र्यावीर सावरकर’ चित्रपट प्रस्तुत केला जात आहे.