बॉलिवूडमधील ज्येष्ठ अभिनेते आणि दिग्दर्शक सतीश कौशिक यांचे 9 मार्च 2023 रोजी हृदयविकाराच्या झटक्याने निधन झाले. सतीश यांच्या निधनाने संपूर्ण बॉलिवूडला धक्का बसला. त्यांचे कुटुंबीय, नातेवाईक मित्र-परिवार आणि चाहते आता हळूहळू या दुःखातून सावरत आहेत. मात्र, सतीश कौशिक यांचे जवळचे मित्र अनुपम खेर हे अजून दुःखात आहेत. सतीश कौशिक यांच्या निधनावर अनुपम खेर यांनी सोशल मीडियाच्या माध्यमातून अनेकदा आपली व्यथा मांडली आहे. शिवाय सतीश यांच्या आत्म्याला शांती मिळावी यासाठी कोलकाता येथील कालीघाट मंदिराला भेट दिली होती.
दरम्यान, सोमवारी मुंबईत सतीश कौशिक यांच्यासाठी प्रार्थना सभेचे आयोजन करण्यात आले होते. बॉलिवूडमधील सर्व कलाकारांसोबत अनुपम खेर यांनीही श्रद्धांजली वाहिली. त्याचवेळीचा एक व्हिडिओ आता अनुपम यांनी शेअर करताना भावनिक शब्दांत कॅप्शन लिहिले आहे.
हेही वाचा :