बॉलिवूडचे लोकप्रिय दिग्दर्शक, निर्माते, पटकथा लेखक विक्रम भट्ट (vikram bhatt) सध्या चांगलेच चर्चेत आले आहेत. विक्रम भट्ट यांनी वयाच्या ५२व्या वर्षी दुसरं लग्न केलं आहे. विक्रम भट्ट यांच्या दुसऱ्या पत्नीचं नाव श्वेतांबरी सोनी असून त्यांनी गेल्या वर्षी लॉकडाऊन दरम्यान श्वेतांबरीसोबत लग्नगाठ बांधली. अजूनपर्यंत त्यांनी आपले हे दुसरं लग्न सीक्रेट ठेवलं होत. (vikram bhatt secretly got married to shwetambari soni last year)
इंग्रजी वेबसाईट टाईम्स ऑफ इंडियाच्या वृत्तानुसार, विक्रम भट्ट आणि श्वेतांबरी सोनीसोबत गेल्या वर्षी लग्न केलं होत. या लग्नाबाबत त्यांनी आपल्या नातेवाईकांव्यतिरिक्त जास्त कोणाला सांगितले नव्हते. व्रिकम भट्ट यांच्या जवळच्या सुत्राने सांगितले की, श्वेतांबरी सोनी आणि त्यांनी लग्नाबाबतची गोष्टी खूप प्रायव्हेट ठेवली होती.
आज, बुधवारी विक्रम भट्ट यांनी श्वेताबंरीच्या वाढदिवसानिमित्ताने एक सोशल मीडियावर पोस्ट शेअर केली आहे. दोघांचा फोटो इन्स्टाग्रामवर शेअर करून विक्रम भट्ट यांनी एक छानसी पोस्ट लिहून श्वेतांबरीला वाढदिवसाच्या शुभेच्छा दिल्या आहेत.
हेही वाचा – आयटम नंबर फेम अभिनेत्रीचे १६ व्या वर्षी वेटरचे काम, मिळाली वाईट वागणूक