बॉलिवूड अभिनेता अनुपम खेर यांनीदेखील कोरोना लसीचा पहिला डोस घेतला आहे. यासंबंधीची पोस्ट त्यांनी स्वत: सोशल मीडियावर केली आहे. अनुपम खेर यांच्या सोबत त्यांच्या आईनेही कोरोना लसीचा पहिला डोस घेतला आहे. लसीकरण करतानाचा अनुपम खेर यांनी एक मजेशीर व्हिडिओही प्रेक्षकांसोबत शेअर केला आहे. या व्हिडिओमध्ये ते लस घेताना घाबरलेले दिसत आहेत. व ओम नम: शिवाय असा जप करत त्यांनी कोरोनाची लस घेतवी आहे. अनुपम खेर यांनी लसीकरण करुन झाल्यावर डॉक्टरांचे आभार मानले आहे. व्हिडिओ सोशल मीडियावर शेअर करताना अनुपम खेर असे म्हणाले की, मी कोरोना लसीकरणाचा पहिला डोस घेतला आहे. हे शक्य केल्याबद्दल सर्व डॉक्टर, वैद्यकीय कर्मचारी, भारत वैज्ञानिक आणि भारत सरकार यांचे आभार. इंडिया रॉक्स.. जय हो.. असे म्हणत त्यांनी लसीकरणात सहभागी असलेल्या सर्व सरकारी यंत्रणांचे आभार मानले आहे.
हे वाचा- लठ्ठपणामुळे अस्वस्थ होती विद्या बालन; करत होती स्वतःचाच तिरस्कार, म्हणाली…