सोनी टीव्हीवरील लोकप्रिय शो ‘कौन बनेगा करोडपती’ सीझन १३ सुरुवातीपासून चांगलाच चर्चेत आहे. या शोचा प्रत्येक एपिसोड मनोरंजनात्मक असतो. शिवाय या शोमध्ये येऊन अनेक जण आपल्या आयुष्यातील काही गोष्टी शेअर करताना दिसतात. बॉलिवूडचे महानायक अमिताभ बच्चन होस्ट करत असलेला शो ‘कौन बनेगा करोडपती’ सीझन १३ मधील आता दुसरा करोडपती भेटला आहे.
नुकताच शोचा नवा प्रोमो सोशल मीडियावर शेअर केला आहे. यामध्ये बिग बी या सीझनच्या दुसऱ्या करोडपतीची घोषणा करता दिसत आहेत. अजूनपर्यंत या स्पर्धेकाचे नाव समोर आले नाही आहे. आता हा स्पर्धेक ७ कोटी रुपयांच्या प्रश्नाचे उत्तर देण्यास सज्ज झाल्याचे दिसत आहे.
यापूर्वी हिमानी बुंदेला नावाची स्पर्धेक १ कोटी रुपये जिंकून पहिल्या केबीसी १३च्या करोडपती ठरल्या होत्या. हिमानी या एक अंध स्पर्धक होत्या, ज्यांचा २०११ मध्ये अपघात झाला होता.
हेही वाचा – Cruise Drug Case: शाहरुखने आर्यनला साडे चार हजाराची पाठवली मनीऑर्डर