निक जोनास ‘जुमांजी’मध्ये साकारणार ‘हे’ पात्र

प्रसिद्ध अमेरिकन पॉप सिंगर निक जोनास आता एका नव्या कारणामुळे प्रसिद्धीझोतात आला आहे. देसी गर्ल प्रियांका चोप्राशी लग्न केल्यानंतर निक जोनास भारतासह संपूर्ण जगात फेमस झाला. प्रियांका आणि निकच्या शाही लग्नाने जगभरातील माध्यमांचं लक्ष वेधून घेतलं. सोशल मीडियावरही प्रियांका आणि निक भलतेच व्हायरल झाले. मात्र, प्रियाकांचा पती निक सध्या त्याच्या आमागी चित्रपटामुळे लाईम लाईटमध्ये आला आहे. सुपरहिट हॉलीवूडपट ‘जुमांजी’च्या दुसऱ्या सिक्वेलमध्ये निक एका मुख्य भूमिकेत झळकणार आहे. ‘जुमांजी’ आणि त्याचा पहिला सिक्वेल ‘जुमांजी : वेलकम टू द जंगल’ हे दोन्ही चित्रपट तुफान गाजले. आजही लाखो-करोडो चित्रपट प्रेमींवर त्याचा पगडा आहे. दरम्यान, ‘जुमांजी : वेलकम टू द जंगल’ च्या पुढील भागात निक जोनास जेफरसन ‘सीप्लेन’ मॅकडोनोच्या अवतारात दिसणार आहे. मात्र, सिक्वेलची कथा नेमकी काय असणार? याविषयीची माहिती अद्याप गुलदस्त्यात आहे. 

पाहा : सेटवर उभारला २० कोटींचा ‘वांद्रे – वरळी सी लिंक’