सध्या बॉलिवूडमधून ड्रग्जबाबत अनेक प्रकरणं समोर येत असतात. नुकत्याच काही दिवसांपूर्वी अभिनेत्री श्रद्धा कपूरचा भाऊ सिद्धार्थ कपूरला ड्रग्ज घेतल्या प्रकरणात चेन्नईच्या एका हॉटेलमधून अटक करण्यात आली होती. याआधी अभिनेता शाहरूख खानचा मुलगा आर्यन खानला देखील ड्रग्ज प्रकरणात अटक करण्यात आली होती. बॉलिवूडमधील या सर्व ड्रग्ज प्रकरणामुळे बॉलिवूड प्रेक्षक बॉलिवूडवर आपली नाराजी व्यक्त करतात. त्यामुळेच अनेकदा सोशल मीडियावर बॉलिवूड आणि बॉलिवूडमधील चित्रपटांवर बहिष्कार टाकला जातो.
दरम्यान अभिनेता सुनिल शेट्टी बॉलिवूड आणि ड्रग्ज प्रकरणात सापडलेल्या स्टार किड्सचा बचाव करण्यासाठी धावून आला आहे. सुनील शेट्टीने आपल्या चाहत्यांना मागणी केली आहे की, त्यांनी बॉलिवूडच्या या चूकांना माफ करावं आणि बॉलिवूडवर आपलं प्रेम असंच असू द्यावं.
तसेच सुनील शेट्टी असं देखील म्हणाला की, “जसं नेहमी दाखवलं जात , तसं खरं नसतं. चूक कोणाकडूनही होऊ शकते.त्यांना लहान मूल समजून माफ करा. बॉलिवूड ड्रगीज, बॉयकॉट बॉलीवुड यांसारखे हॅशटॅग लावणं चूकीचे आहे”.