सुपरहिट दक्षिणात्य चित्रपट ‘अन्नियन’च्या हिंदी रिमेक मध्ये झळकणार रणवीर सिंग

बॉलिवूडचा एनर्जेटिक अभिनेता रणवीर सिंग आता लवकरच एका हटके भूमिकेत प्रेक्षकांच्या समोर येणार आहे. एका मोठ्या दक्षिणात्य सुपरहिट चित्रपटाच्या हिंदी रिमेक मध्ये रणवीर दिसणार आहे. या चित्रपटातील रणवीरची भूमिका त्याच्या आतापर्यंतच्या भूमिकांपेक्षा वेगळी असणार हे नक्की. हा चित्रपट सुपरहिट दक्षिणात्य चित्रपट ‘अन्नियन’चा हिंदी रिमेक असणार आहे. मूळ तमिळ भाषित असलेला हा चित्रपट २००५ साली प्रदर्शित झाला होता. यात दक्षिणात्य अभिनेता विक्रमने प्रमुख भूमिका साकारली होती. आता याच्या हिंदी रिमेक मध्ये रणवीर सिंग मुख्य भूमिकेत झळकणार आहे. रणवीरने सोशल मीडियाद्वारे याबदद्ल माहिती दिली आहे. ट्विटरवर एक फोटो शेअर केला आहे. या फोटोमध्ये रणवीर सोबत दिग्दर्शक शंकर आणि प्रसिद्ध निर्माते जयंतीलाल गडा दिसत आहे. मला ही घोषणा करताना अभिमान वाटत आहे, की मी भारतीय सिनेमाच्या एका दूरदर्शी कलाकार शंकरसोबत काम करणार आहे. या चित्रपटाची निर्मिती प्रसिद्ध निर्माते जयंतीलाल गडा करणार आहे. असे कॅप्शन या फोटोला रणवीर ने दिले आहे.

हे वाचा-  काही दिवसांपूर्वीच कोरोना लस घेतली असताणाही आशुतोष राणाला कोरोनाची लागण