थंडीच्या दिवसात हमखास त्वचा कोरडी, निस्तेज किंवा खरखरीत होते. त्यासाठी काही घरगुती उपायांनी सुद्धा तुम्ही यावर मात करू शकता आणि थंडीपासून तुमच्या त्वचेचे रक्षण करू शकता.
थंडीसाठी खास टिप्स
- Advertisement -
- घराबाहेर पडताना चांगले विंटरकेअर लोशन वापरावे.
- आंघोळीनंतर घरगुती उपाय म्हणून खोबरेल तेल, तिळाचे तेल, साय, लोणी तसेच तुपाचाही वापर क्रीमऐवजी करावा.
- हिवाळ्यात त्वचा चमकदार ठेवण्यासाठी मोसंबी, हिरव्या भाज्या, पालेभाज्या, सॅलडचे आहारातील प्रमाण वाढवावे.
- पिकलेल्या पपईचा गर चेहर्‍यावर लावल्यास चेहरा सतेज दिसतो.
- संत्र्याचा रस, संत्र्याची साल, काकडीचा रस चेहर्‍यावर लावल्यास चेहर्‍याचा काळवंडलेपणा कमी होतो.
- रात्री झोपताना साय किंवा तूप घेऊन त्यात चंदन टाकून मालिश केल्यानेही त्वचेला तेज मिळतं.
- लिंबाचा रस, गुलाबपाणी आणि ग्लिसरीन समप्रमाणात घेऊन रोज सकाळी आंघोळीनंतर हातापायांना लावा दिवसभर त्वचा मऊ राहते.
- हिवाळ्यामध्ये तळपायांना, विशेषतः टाचांना भेगा पडणे, भेगांमधून रक्त येणे यासुद्धा समस्या आढळतात. अशावेळी तळपायांना कोकचे तेल लावा.
- फरशीच्या गारठ्यापासून संरक्षण करण्यासाठी पायात मोजे घालणे उपयोगी ठरते.
- रात्री बदाम भिजवून , सकाळी त्याची सालं काढून , पेस्ट करून ती संत्र्याच्या रसात मिक्स करून लावावी.
- खोबरेल तेल ,अ‍ॅरोमा किंवा तिळाच्या तेलानं मसाज करून आंघोळ करणं हा उपाय सर्वोत्तम आहे.
हेही वाचा :
