उन्हाळयात कैरीपासून अनेक पदार्थ बनवतात. कैरी खाल्यामुळे शरीराला थंडावा मिळतो. त्यामुळे आज आम्ही तुम्हाला कैरी-लिंबाचं सार कसं बनवायचं हे सांगणार आहोत.
साहित्य :
- एका कैरीचा कीस मिक्सरवर वाटून
- एका लिंबाचा रस
- 4 कप पाणी
- 1/2 वाटी गूळ
- 4-5 लाल मिरच्या
- मीठ
- कढीपत्ता
- फोडणीसाठी तेल
- हिंग
- जिरे
कृती :
- सर्वप्रथम पातेल्यात एक मोठा चमचा तेल घ्या. त्यात मिरच्या, जिरे, हिंग, कढीपत्ता घालून फोडणी द्या.
- त्यात पाणी घालून उकळी आल्यावर लिंबाचा रस, कैरीचा गर घालावा. गूळ, मीठ घालून उकळावं.
- तयार टेस्टी कैरी-लिंबाचं सार भातासोबत सर्व्ह करा.