काँग्रेसचे नेते राहुल गांधी यांची खासदारकी रद्द करण्यात आल्यानंतर लोकसभा सचिवालयाने त्यांना मिळालेला सरकारी बंगला खाली करण्याची सूचना दिली. या पार्श्वभूमीवर भाजपा नेते निलेश राणे यांनी काँग्रेस नेते राहुल गांधी आणि सोनिया गांधी यांच्यावर खालच्या पातळीवर टीका केली आहे. ट्विटरवर एक पोस्ट शेअर करत निलेश राणे यांनी टीका केली आहे. (BJP Nilesh Rane Slams Congress leader Sonia Gandhi and Rahul Gandhi)
नेमके काय म्हणाले निलेश राणे?
निलेश राणे यांनी ट्विटरवर शेअर केलेल्या पोस्टमध्ये लिहिले की, “2009 ला मी खासदार झालो तेव्हा राहुल गांधी दुसऱ्यांदा खासदार झाले पण त्यांना मंत्री कॅटेगिरीचा बंगला मिळाला. AICC व IYC ऑफिस शासकीय बंगल्यात आहेत. सोनिया गांधी ज्या घरात राहतात ते घर भारताच्या पंतप्रधानांकडे असलं पाहिजे पण त्या आजही तिथे राहतात”, अशा शब्दांत टीका केली आहे. तसेच, देश तुमच्या बा** माल आहे का? असा सवाल उपस्थित करत त्यांनी सोनिया गांधी व राहुल गांधी यांच्यावर निशाणा साधला.
2009 ला मी खासदार झालो तेव्हा राहुल गांधी दुसऱ्यांदा खासदार झाले पण त्यांना मंत्री कॅटेगिरीचा बंगला मिळाला. AICC व IYC ऑफिस शासकीय बंगल्यात आहेत. सोनिया गांधी ज्या घरात राहतात ते घर भारताच्या पंतप्रधानांकडे असलं पाहिजे पण त्या आजही तिथे राहतात.
देश तुमच्या बापाचा माल आहे का?
— Nilesh N Rane (@meNeeleshNRane) March 28, 2023
हेही वाचा – ‘त्या’ प्रकरणी उद्धव ठाकरेंसह आदित्य ठाकरे व संजय राऊतांना न्यायालयात हजर राहण्याचे समन्स