मुख्यमंत्री उध्दव ठाकरे यांनी गुरुवारी (दि.30) नाशिकमध्ये विभागातील पाच जिल्ह्यांचा आढावा घेतला. यावेळी जळगावचे पालकमंत्री म्हणून गुलाबराव पाटील उपस्थित. यावेळी पाटील म्हणाले की, जितेंद्र आव्हाड स्व. इंदिरा गांधी यांच्याविषयी काय बोलले, हे मला माहित नाही. हा पक्षांतर्गत विषय असल्यामुळे त्याबद्दल बोलणे उचित ठरणार नाही. कोणि गळा दाबला आणि कोणी गळा सोडला हे मला माहित नाही, असे सांगत त्यांनी प्रतिक्रिया देणे टाळले.
साधूमानसाच्या मनात काय?
भाजपने सेनेला पुन्हा निमंत्रण दिले आहे, असा प्रश्न त्यांच्यासमोर उपस्थित केला असता, ‘बॉस इस ऑलवेस राईट’ असे म्हणत त्यांनी समर्थन केले. नेत्याचा आदेश मानणारे आम्ही कार्यकर्ते आहोत. त्यामुळे त्यांनी निर्णय घेतल्यास आम्ही आदेशाचे पालन करु! उध्दव ठाकरे यांच्या मनात काय चालले आहे, याविषयी काही बोलणार नाही. साधू माणसाच्या मनात काय चालते? याविषयी आपण काय सांगणार असेही पाटील म्हणाले.