पोलिसांच्या माहितीनुसार, पोलीस शिपाई दीपक पाटील हे सहकार्यासोबत शुक्रवारी मध्यरात्री खडकाळी सिग्नलवर कर्तव्य बजावत होते. त्यावेळी पोलिसांना मद्यधुंद अवस्थेत रोहित दापुरकर व मन्ना डे आढळून आले. पोलिसांनी दोघांना विचारणा केली असता त्यांनी पाटीलांसोबत असलेल्या कर्मचार्यास मारहाण केली. याप्रकरणी पाटील दोघांना भद्रकाली पोलीस ठाण्यात चला, असे सांगितले असता दोघांनी कार (जे.एच.०१, सीजी २६९८)च्या मागील सीटावर बसण्यास सांगितले. पाटील कारमध्ये बसले असता कार भद्रकाली पोलीस ठाण्याच्या दिशेने न नेता देवळाली कॅम्पच्या दिशेने नेली. ही बाब पाटील यांच्या लक्षात येताच त्यांनी वायरलेसवर शहर पोलिसांना आपबिती सांगितले. पोलिसांनी घटनेचे गांभीर्य ओळखून शहरात नाकाबंदी केली. संशयित कार अडवत ओलिसांनी पाटीलांची सुटका करत मद्यपी दोघांना अटक भद्रकाली पोलीस ठाण्यात आणले.
दोघांना कोठडी
अटक केलेले दोघे लष्कराचे जवान आहेत. घटनास्थळी ते मद्यधुंद अवस्थेत असल्याचे आढळून आले आहेत. त्यांना शुक्रवारी न्यायालयात हजर केले असता न्यायालयाने दोघांना एक दिवसाची पोलीस कोठडी सुनावली.
साजन सोनवणे
वरिष्ठ पोलीस निरीक्षक, भद्रकाली पोलीस ठाणे