शिलेदार वाडी, दीक्षी येथील एका मुलीवर सागर प्रभाकर गायकवाड (वय 26, रा. मोढे वस्ती ,ओझर) याचे प्रेम होते. त्याने तिच्यासह आई-वडिलाकडे लग्नासाठी विचारणा केली असता त्या तिघांनी नकार दिला होता. याचा राग मनात धरून दि. २६ रोजी सांयकाळी सहा वाजेच्या सुमारास सागर गायकवाड तिच्यासह कामावरून घरी जात असताना ओझर शिवारातील चारी नं. १६ जवळ आले असता सागरने धारदार हत्याराने तिच्या पोटात व पाठीवर वार केले. त्यात ती गंभीर जखमी झाली. तिच्यावर ओझर येथे प्रथमोपचार करून नाशिक येथील शासकीय रूग्णालयात दाखल करण्यात आले आहे. यासंदर्भात ओझर पोलिसांनी सागर गायकवाडला जिवे ठार मारण्याचा प्रयत्न केला म्हणून अटक करून गुन्हा दाखल केला आहे. त्यास न्यायालयात हजर केले असता न्यायालयाने ४ दिवस पोलीस कोठडीत ठेवण्याचा आदेश दिला. याबाबत अधिक तपास पोलीस निरीक्षक भगवान मथुरे यांचे मार्गदर्शनाखाली उपनिरीक्षक अजय कवडे, सहायक पोलीस उपनिरीक्षक विजय गायकवाड करीत आहेत.