मतदानासाठी आलेल्या नवमतदारांचा प्रतिसाद आणि या क्षणाला सेल्फीत बंद करण्यासाठीचा उत्साह… सखी मतदान केंद्रांवर महिलांचे होणारे स्वागत… विद्यार्थ्यांसह सामाजिक संघटना व संस्थांच्या प्रतिनिधींकडून होणारे मतदारांचे प्रबोधन अशा वातावरणात सोमवारी, २९ एप्रिलला मतदानाला सुरुवात झाली. तांत्रिक बाबींचा अपवाद वगळता सर्वच मतदान केंद्रांवर मतदारांचा प्रतिसाद दिसून आला.