‘नशीब बलवत्तर म्हणून वाचलो’, अपघातानंतर दिग्दर्शक प्राजक्त देशमुखने ट्विटरवर केला संताप व्यक्त

प्रसिद्ध मराठी लेखक, नाटककार आणि दिग्दर्शक प्राजक्त देशमुख (Prajakt Deshmukh) याच्या गाडीला मुंबई-नाशिक हायवेवर अपघात झाल्याची माहिती समोर आली आहे. मुंबईहून नाशिकच्या दिशेने जात असताना हा अपघात झाला. या अपघातानंतर एका अवजड वाहनाच्या बेशिस्तपणामुळे अपघात झाल्याचे प्राजक्त देशमुखने ट्वीटच्या माध्यमातून सांगितले आहे. (prajakt deshmukhs car accident on mumbai nashik highway)

प्राजक्त देशमुखच्या ट्वीटमध्ये काय?

“नाशिक-मुंबई महामार्गावरुन जाणारी अवजड वाहने बेशिस्तीने वाहनं चालवत असतात. भिवंडी फाट्या अलिकडे एका ट्रकने सिमेंटचा डिवायडर ब्लॅाक उडवला आणि तो माझ्या गाडीवर आदळला. थोडक्यात बचावलो. मी सुखरुप आहे. परंतु या हायवेला कुणी वाली आहे का? की केवळ स्पीडगन लावून दंडाच्या पावत्या ठोकणे इतकेच यांचे काम? तसेच, अवजड वाहन हायवेला डावीकडून चालणे अपेक्षित असताना अत्यंत बेजबाबदारपणे हे घडले. शिवाय ट्रकवाला न थांबता पळून गेला. नशीब बलवत्तर म्हणून वाचलो. नाशिक मुंबई हायवेवर जीव मुठीत धरुन गाड्या चालवा. जपा”, असे या ट्वीटमध्ये लिहिले आहे.

हेही वाचा – ‘…मार्केटमध्ये इज्जत असावी लागते’, निलेश राणेंचा राऊतांना टोला