लग्नानंतर मंगळसूत्र परिधान करण्यात येते. मंगळसूत्र विवाहित स्त्रीसाठी अत्यंत महत्वाचे असून हिंदू धर्मात मंगळसूत्राला पवित्र स्थान आहे. मंगळसूत्रात तुम्हाला वेगवेगळ्या चेन डिझाइन्स, हेवी आणि लाइट वेट ऑप्शन पाहायला मिळतात. डेली युजचा विचार केल्यास महिला हलक्या आणि सिम्पल डिझाइन्सला अधिक प्राधान्य देतात. हल्ली बऱ्याच जणी वर्किंग वूमन असल्याने डेली युजसाठी युनिक डिझाइन्सचे मंगळसूत्राच्या शोधात असतात. आपण डेली युजचा विचार केल्यास अनेक जणी प्रवास करत असल्याने सोन्याच्या मंगळसूत्राऐवजी आर्टिफिशयल मंगळसूत्राची निवड करतात. आर्टिफिशियल मंगळसूत्रामध्ये बाजारात अनेक युनिक डिझाइन्स उपलब्ध असतात. यात स्टोन वर्क, चैन्स असे विविध प्रकार पाहायला मिळतात.
मोती – मंगळसूत्राच्या अनेक युनिक डिझाइनमध्ये मोती असलेले डिझाइनला महिलांची अधिक पसंती मिळते. काळ्या, गोल्डन मण्यांसोबत मोती असल्याने मंगळसूत्र फारच सुंदर दिसते.
डबल चैन – एकाच चैनमध्ये आणखी एक चैन असणारी म्हणजेच डबल चैन मंगळसूत्राची डिझाइन आता ट्रेंडिंगवर आहे. वर्किंग वूमन असणाऱ्या महिला डबल चैन असणाऱ्या मंगळसूत्राला अधिक पसंती देतात. यात तुम्हाला अनेक प्रकार पाहायला मिळतात.
स्टोन – तुम्ही मंगळसूत्रात गोल किंवा चौकोनी स्टोन असलेले डिझाइन पाहिले असतील. हल्ली मंगळसूत्रातील पेंडंटमध्ये स्टोन असलेले मंगळसूत्र बाजारात येऊ लागले आहे. तुम्ही तुमच्या आवडीच्या आकाराच्या स्टोन असलेले मंगळसूत्र निवडू शकता.
ऑक्सइड – लग्नसमारंभात हल्ली ऑक्सइडच्या दागिन्यांची मागणी वाढली आहे. तुम्ही डेली युजसाठी ऑक्सइडचे मंगळसूत्र घालू शकता. तुम्ही जर वर्किंग वूमन असालतर छोटे पेंडेंट असलेले मंगळसूत्र नक्की ट्राय करा.
केवळ काळे मणी – केवळ काळे मणी आणि एक पेंडेंट असलेले मंगळसूत्रही तुम्ही डेली युजसाठी वापरू शकता. हे मंगळसूत्र ट्रेंडिशनल ते वेस्टर्न आऊटफिट या दोन्हीवर शोभून दिसते.
