प्रत्येकाला आयुष्यात प्रेम हवं असतं. प्रेम मिळालं तरी नातं दीर्घकाळ टिकवण्यासाठी अनेक गोष्टींची गरज असते आणि ही जबाबदारी दोन्ही जोडीदारांवर आहे . असे असले तरी आपण आपल्या बाजूने काही प्रयत्न करून आपले नाते नेहमीच प्रफुल्लित ठेवू शकता.
प्रेम जाणवून देणे –
कोणत्याही नात्यात फिजिकल टच, जवळीक आणि प्रेमाचा संवाद असणे आवश्यक आहे. तसेच तुम्ही जसं प्रेम व्यक्त करता तसंच तुमच्या जोडीदारानंही प्रेम व्यक्त केलं पाहिजे असं होणे गरजेचे नाही. एकूणच नात्यात प्रेम दाखवण्यापेक्षा ते जाणवणं जास्त महत्त्वाचं आहे.
तुमच्या जोडीदाराचा पूर्णपणे स्वीकार करणे –
नाते पुढे नेण्यासाठी तुम्हा दोघांनाही एकमेकांना पूर्णपणे स्वीकारावे लागेल. त्यामुळे नात्यात आपुलकीची भावना निर्माण होण्यास मदत मिळेल.
स्वतःची ओळख जपणे –
जेवढं तुमचं नाते घट्ट असेल तेवढं जोडीदार एकमेकांशी मनमोकळेपणाने बोलू लागतात. जेव्हा तुमच्यात जवळीक वाढत जाईल तेव्हा तुमच्यात एक युनिट तयार होईल. पण या सोबतच तुम्ही स्वतःची अशी ओळख जपायला विसरू नका.
रिलेशनशिपमध्ये सुरक्षित वाटणे –
तुमचं नातं तेव्हाच मजबूत होईल जेव्हा तुम्हाला एकमेकांसोबत सुरक्षित वाटेल. तुम्हाला भावना शेअर करताना सुरक्षित वाटणे महत्त्वाचे आहे.
एकमेकांवर विश्वास असणे –
विश्वास आणि सुरक्षा हे दोन्ही नात्यात महत्वाचे आहेत. तुमचा जर नात्यात विश्वास नसेल तर तुम्हाला जोडीदारासोबत शारीरिक किंवा भावनिकदृष्ट्या सुरक्षित वाटू शकणार नाही. त्यामुळे जोडीदारासोबत मनमोकळेपणाने संवाद करण्याचा प्रयन्त करा आणि हे देखील लक्षात ठेवा की विश्वास लगेच येत नाही, तो हळूहळूच वाढतो.