देशभरासह महाराष्ट्रात कोरोना रूग्णांच्या संख्येत दिवसेंदिवस वाढ होत आहे. मुंबई, पुणे शहरापाठोपाठ आता कल्याण-डोंबिवली शहरात देखील कोरोनाने थैमान घातले आहे. कल्याण- डोंबिवली महानगरपालिका क्षेत्रात कोरोनाचा कहर सुरू असून आज ३३० कोरोनाबाधित नव्या रुग्णांची नोंद झाली आहे. तर आज ९ जणांचा कोरोनामुळे मृत्यू झाला असून आतापर्यंत ३०७ जणांचा कोरोनामुळे मृत्यू झाला आहे. तर आज २१६ जणांनी कोरोनावर मात केली आहे.
१२ हजार ३६५ जण कोरोनामुक्त
कल्याण-डोंबिवली महापालिका क्षेत्रात आढळून आलेल्या बाधित रुग्णांपैकी आतापर्यंत १२ हजार ३६५ जणांनी कोरोनावर मात केली आहे. तर सध्या ५ हजार ८२३ रुग्णांवर उपचार सुरु आहेत.
असे आढळले नवे रुग्ण
- कल्याण (पू) : ८६
- कल्याण (प): ६७
- डोंबिवली (पू) : ९९
- डोंबिवली (प) : ४५
- मांडा-टिटवाळा : ०९
- मोहना : १६
- पिसवली : ०८
सदर कोरोनामुक्त झालेल्या रुग्णांपैकी टाटा आमंत्रा येथून १२४ रुग्ण, वै. ह.भ.प. सावळाराम महाराम म्हात्रे क्रिडा संकुल येथून १६ रुग्ण, बाज. आर.आर. रुग्णालयातून १२ रुग्ण आणि हॉलीक्रॉस येथून २ रुग्णांनी कोरोनावप मात केली आहे. उर्वरित रुग्ण हे इतर रुग्णालयामधून तसेच होम आयसोलेशन मधून बरे झालेले आहेत.
हेही वाचा – भारतीय रेल्वेत जगजीवन राम हॉस्पिटलने मारली बाजी; ७८ टक्के रिकव्हरी रेट!