आता बृहन्मुंबई महानगरपालिकेव्दारे देण्यात येणाऱ्या विविध 80 पेक्षा अधिक सुविधांची माहीती नागरिकांना एका क्लिकवर मिळणार आहे. या सेवा सुविधांची माहीती नागरिकांना त्यांच्या मोबाईल व्हॉट्सअ‍ॅपव्दारे, 8999-22-8999 या व्हॉट्सअप नंबरवर सहजपणे उपलब्ध होणार आहे. बृहन्मुंबई महानगरपालिकेच्या या ‘व्हॉट्सअप चॅट बॉट’ सुविधेचे लोकार्पण आज शुक्रवारी १४ जानेवारी २०२२ रोजी सकाळी ११ वाजता राज्याचे मुख्यमंत्री उद्धव बाळासाहेब ठाकरे यांच्या हस्ते झाले.
याप्रसंगी वस्त्रोद्योग मंत्री तथा मुंबई शहर जिल्हा पालकमंत्री असलम शेख, माननीय पर्यटन, पर्यावरण व राजशिष्टाचार मंत्री तथा मुंबई उपनगर जिल्हा पालकमंत्री आदित्य ठाकरे, मुंबईच्या माननीय महापौर किशोरी पेडणेकर, मुंबईतील सर्व सन्माननीय लोकप्रतिनिधी व मनपा पदाधिकारी, तसेच महानगरपालिका आयुक्त डॉ. इकबाल सिंह चहल, अतिरिक्त महानगरपालिका आयुक्त (पूर्व उपनगरे) श्रीमती आश्विनी भिडे आणि व्हॉटस्ॲपचे संचालक (सार्वजनिक धोरणे) शिवनाथ ठुकराल आदी मान्यवर दूरदृश्य प्रणाली (व्हिडिओ कॉन्फरन्स) द्वारे याप्रसंगी उपस्थित राहतील.कोविड १९ विषाणू संसर्ग परिस्थितीमुळे, सदर कार्यक्रम पूर्णतः दूरदृश्य प्रणालीद्वारे पार पडणार आहे.
#थेट प्रक्षेपण
आता बीएमसीला फक्त व्हॉट्सॲप करा!
माहितीपासून ते तक्रारींचे निवारण केवळ एका ‘हाय’वर!
‘व्हॉट्सॲप चॅटबॉट लोकार्पण’ चे थेट प्रक्षेपण पाहा.https://t.co/u7CD8Mno21
— माझी Mumbai, आपली BMC (@mybmc) January 14, 2022