भारतरत्न डॉ. बाबासाहेब आंबेडकरांच्या 131 व्या जयंतीनिमित्त मुख्यमंत्र्यांचं अभिवादन
My Mahanagar Team
भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांना त्यांच्या 131 व्या जयंतीनिमित्त गुरुवारी चैत्यभूमी स्मारक येथे मुख्यमंत्री उद्धव ठाकरे, उपमुख्यमंत्री अजित पवार, पर्यावरण मंत्री आदित्य ठाकरे, राज्यपाल भगतसिंग कोश्यारी यांनी विनम्र अभिवादन केले. यावेळी बुद्धवंदना घेण्यात आली.
तसेच चैत्यभूमीवरील भीमज्योतीस पुष्प अर्पण करण्यात आले. यावेळी भदन्त धम्मप्रिय यांनी डॉ. आंबेडकर यांच्या प्रतिमेचे पूजन केले. उपमुख्यमंत्री अजित पवार, राज्यपाल भगतसिंग कोश्यारी, पर्यावरण मंत्री आदित्य ठाकरे, खासदार राहुल शेवाळे, अतिरिक्त पोलीस आयुक्त विश्वास नांगरे-पाटील, मुंबई महापालिकेचे सहआयुक्त किरण दिघावकर, परमपूज्य डॉ.बाबासाहेब आंबेडकर महापरिनिर्वाण दिन समन्वय समितीचे सरचिटणीस नागसेन कांबळे आणि इतर मान्यवरांनीही अभिवादन केले.
मुंबई महापालिकेच्या वतीने डॉ. बाबासाहेब आंबेडकर यांच्याविषयीचे मराठी आणि इंग्रजी कॉफी टेबल बुक प्रदर्शन तसेच डॉ. बाबासाहेब आंबेडकर यांच्या दुर्मीळ छायाचित्रांच्या प्रदर्शन दालनास उद्धव ठाकरे यांनी भेट दिली.
डॉ. बाबासाहेब आंबेडकर यांची प्रतिमा असलेले स्मृतिचिन्ह मान्यवरांना भेट म्हणून देण्यात आले. भारतीय राज्य घटनेचे शिल्पकार भारतरत्न डॉ. बाबासाहेब आंबेडकर यांच्या 131 व्या जयंतीनिमित्त राज्यपाल भगत सिंह कोश्यारी यांच्यासह मान्यवरांनी चैत्यभूमी येथे डॉ. आंबेडकरांच्या अर्धाकृती पुतळ्याला पुष्पहार अर्पण करून अभिवादन केले.
यावेळी सामुदायिक त्रिशरण बुद्ध वंदना करण्यात आली. इंदू मिल येथे होणाऱ्या डॉ.बाबासाहेब आंबेडकर यांच्या जागतिक दर्जाच्या स्मारकाच्या कामासाठी शासन निधी कमी पडू देणार नाही.
यावेळी सामुदायिक त्रिशरण बुद्ध वंदना करण्यात आली. इंदू मिल येथे होणाऱ्या डॉ.बाबासाहेब आंबेडकर यांच्या जागतिक दर्जाच्या स्मारकाच्या कामासाठी शासन निधी कमी पडू देणार नाही.
