या रांगोळीत पाहिले तर सूर्य, चंद्र, तारे, कमळ, चांदणी, शंख, गो पद्म, श्री यंत्र हे सगळे आहे
या सर्व गोष्टींमुळे वाईट शक्ती ज्यांना आपण अदृश्य अतृप्त इच्छा, वासना, इर्षा, मत्सर असे म्हणतो ती स्पंदने आपले, परके, शेजारचे, नातेवाईक, मित्र यांच्या मेंदूतून आलेले असतात त्या या रांगोळीतील यंत्रात फिरून नष्ट होतात असा समज आहे
वाईट आत्मे आजूबाजूला असले तर तेदेखील या रांगोळीत अडकतात आणि त्यातच फिरत राहून नष्ट होतात असाही समज आहे
दारात जे रांगोळीयुक्त यंत्र आपण घालतो त्यात शंख, चक्र, गदा, पद्म[ कमळ], स्वस्तिक, ओम, श्री, गो पद्म [ गायीची पावले], तारे किंवा अणूच्या अंतरंगात असते तशी आकृती, श्री यंत्रा सारखी आकृती हे सर्व रेखाटायचे असते
ठिपक्यांची रांगोळी, पाच बोटांची रांगोळी, पाण्याखालील रांगोळी, रांगोळीचे साचे अशा अनेक प्रकारची रांगोळी काढण्याच्या पद्धती अस्तित्वात आहेत
