भारताची आघाडीची बॅडमिंटनपटू पी. व्ही. सिंधूला ऑल इंग्लंड अजिंक्यपद स्पर्धेच्या उपांत्य फेरीत पराभवाचा सामना करावा लागला. उपांत्य फेरीच्या सामन्यात तिला थायलंडच्या पोर्नपावी चोचूवॉन्गने १७-२१, ९-२१ असे सरळ गेममध्ये पराभूत केले. सिंधूच्या पराभवामुळे भारताचेही ऑल इंग्लंड स्पर्धेतील आव्हान संपुष्टात आले आहे. स्पेनची स्टार खेळाडू कॅरोलिना मरीनने दुखापतीमुळे या स्पर्धेतून माघार घेतल्यामुळे सिंधूला जेतेपदासाठी प्रबळ दावेदार मानले जात होते. परंतु, उपांत्य फेरीत चांगला खेळ करण्यात ती अपयशी ठरली. त्यामुळे ऑल इंग्लंड स्पर्धेत तिची जेतेपदाची पाटी कोरीच राहिली.
𝐍𝐨𝐭 𝐨𝐮𝐫 𝐝𝐚𝐲🙇🏿♂️
🇮🇳 shuttler @pvsindhu1 ends her @allenglandofficial challenge, after she went down in the Semi-finals against 🇹🇭’s Pornpawee Chochuwang .
Final Scores: 1️⃣7️⃣-2️⃣1️⃣, 9️⃣-2️⃣1️⃣
Comeback stronger, Sindhu💪🏻#AllEnglandOpen2021#badminton pic.twitter.com/O6QdVcRqji
— BAI Media (@BAI_Media) March 20, 2021
दुसऱ्या गेममध्ये सिंधूचा खेळ अधिकच खालावला. शुक्रवारी उपांत्यपूर्व फेरीत अकाने यामागूचीविरुद्धचा सामना जिंकण्यासाठी सिंधूला (१६-२१, २१-१६, २१-१९) बरीच मेहनत घ्यावी लागली होती. त्यातच उपांत्य फेरीतील पहिला गेम २५ मिनिटे चालल्यामुळे सिंधू दुसऱ्या गेममध्ये थकलेली दिसली. तिने दुसरा गेम ९-२१ असा मोठ्या फरकाने गमावला. त्यामुळे तिच्यावर स्पर्धेतून बाहेर होण्याची नामुष्की ओढवली.