राष्ट्रकुल क्रीडा स्पर्धेतील सुवर्णपदक विजेते बजरंग पुनिया व रवी दहिया यांनी शनिवारी इंदिरा गांधी इनडोअर स्टेडियमच्या केडी जाधव हॉलमध्ये खेळल्या जाणार्‍या आशियाई कुस्ती स्पर्धेच्या अंतिम फेरीत प्रवेश केला. 65 किलो गटात बजरंगने बाजी मारली.आता सुवर्ण पदकासाठी बजरंगचा सामना आता जपानच्या तकुटो ओतुगुरोशी होणार आहे.
पहिल्या सामन्यात बजरंगने ताजिकिस्तानच्या जामशेड शरीफोव्हचा 11-0 असा पराभव केला. त्यानंतर उपांत्यपूर्व फेरीच्या सामन्यात उझबेकिस्तानच्या अ‍ॅबॉस रखमोनोवचा त्याने 12-2 असा पराभव केला. यानंतर ज्युनियर वर्ल्ड चॅम्पियन इराणचा अमीरहोसेन मघौदी बंजारागसमोर आला. या सामन्यात बजरंगने प्रतिस्पर्ध्याला 10-0 ने पराभूत करून अंतिम फेरीत प्रवेश केला.
तर रवीने 57 किलोच्या पहिल्या सामन्यात जपानच्या युकी तकाशीचा 14-5 असा पराभव केला. पुढच्या सामन्यात त्याने मंगोलियाच्या तुघूस बाटर्गलला 6-3 ने पराभूत करून उपांत्य फेरीपर्यंत मजल मारली. येथे जागतिक स्पर्धेतील कांस्यपदक जिंकणार्‍या कझाकस्तानच्या नुरिसलाम सनायवने रवीसमोर रोखून धरले. रवीने हा सामना 7-2 असा जिंकला आणि अंतिम सामन्यात ताजिकिस्तानच्या हिकामातुलो वोहिदोव याच्याशी होणार आहे.
बजरंग व रवी व्यतिरिक्त सत्यव्रत कदयन (97 किलो वजन) आणि गौरव बलयन (79 किलो वजन गट) यांनी रौप्य पदक जिंकले. 70 किलो गटात नवीन उपांत्य फेरीत पराभूत झाला. आता तो कांस्यपदकासाठी उझबेकिस्तानच्या मेरीझानशी लढेल.