नवी दिल्ली: माजी पाकिस्तानी क्रिकेटर रमीझ राजा आपल्याच देशाच्या क्रिकेट संघावर खूप संतापला आहे. बाबर आझमच्या नेतृत्वाखाली पाकिस्तानचा संघ न्यूझीलंडविरुद्ध पाच सामन्यांची टी-20 मालिका खेळत आहे. 4 सामन्यांनंतर पाकिस्तान संघ मालिकेत 2-1 ने पिछाडीवर आहे. 25 एप्रिल रोजी झालेल्या चौथ्या सामन्यात न्यूझीलंडने पाकिस्तानचा 4 धावांनी पराभव केला. या सामन्यानंतर माजी अध्यक्ष रमीझ राजा पाकिस्तान संघाच्या कामगिरीवर संतापले. संघाच्या प्रयोगावर त्यांनी नाराजी व्यक्त केली. तुम्ही एका रात्रीत रोहित शर्मा किंवा डेव्हिड वॉर्नर बनू शकत नाही, असेही तो म्हणाला. (Cricket News You can t become Rohit Sharma overnight Pakistan legend Ramiz Raja angry on Pakistan Cricket Team)
रमीझ राजा याचे वक्तव्य काय?
रमीझ राज याने त्याच्या यूट्यूब चॅनलवर एक व्हिडिओ शेअर केला आहे. या व्हिडिओमध्ये तो म्हणाला, ‘पाकिस्तान संघाने आता जिंकण्यावर लक्ष केंद्रित करणे आणि ते बेंच स्ट्रेंथचा प्रयोग करत असल्याची सबब न देणे हे खूप महत्त्वाचे आहे. ते काही खेळाडूंच्या प्रतिभेचे मूल्यमापन करण्याचा प्रयत्न करत आहेत. त्यामुळेच आम्ही सामना हरलो तर आमच्यासोबत राहा, असे सांगून ते त्यांच्या खराब कामगिरीचे समर्थन करत आहेत.
तू रोहित शर्मा- डेव्हिड वॉर्नर…
रमीझ राजा पुढे म्हणाले की, पाकिस्तानचा संघ पूर्णपणे बाहेर आहे. तो म्हणाला, ‘तुम्ही तुमची खेळी एखाद्या चमचमीत खेळण्याचा प्रयत्न करत आहात आणि पूर्णत: निष्प्रभ आहात कारण कौशल्याच्या कामात खूप फरक आहे. पाकिस्तानी दिग्गज पुढे म्हणाले, ‘तुम्ही रोहित शर्मा किंवा डेव्हिड वॉर्नर, अशा प्रकारचे फलंदाज रातोरात बनू शकत नाही. त्यासाठी एक प्रक्रिया आहे, पूर्ण प्रयत्न केले जातात. तुमच्या सिस्टीममध्ये जीव असायला हवा, मग तुम्ही पुढे जाल.
रमीझ राजा पुढे म्हणाला, ‘तुमच्या संघात काय आहे यावर लक्ष केंद्रित करा. असा विचार करू नका की आम्ही त्या गोलंदाजाला टॅलेंट आहे की तो फॉर्मात आहे हे तपासत आहोत. प्रतिभा तपासण्याची ही वेळ नाही. सध्या ही संधी नाही. ही सर्व विश्वचषकानंतरची तयारी आहे. रमीझ राजानेही इंग्लंडविरुद्धच्या आगामी मालिकेबाबत आपले मत व्यक्त केले आणि तो म्हणाला, ‘इंग्लंडमध्येही एक मालिका होणार आहे. तुम्ही तोही हरलात आणि इंग्लंडविरुद्धही हरलात, वर्ल्डकपमध्ये भारत विरुद्ध सामना आहे, तेव्हा तुम्ही भारताला कसे हरवाल? ते सांगा. त्यामुळे यावेळी पाकिस्तानने आपल्या बेंच स्ट्रेंथची चाचणी न करता विजयावर लक्ष केंद्रित केले पाहिजे,अस रमीज राजा म्हणाला.
(हेही वाचा:SRH vs RCB : बंगळुरूविरुद्धच्या सामन्यात काव्या मारनला राग अनावर; सोशल मीडियावर मीम्स व्हायरल)
Edited By- Prajakta Parab